Андер Эррера Де Хеани Мессига тенглаштирди

Де Хеа навбатдаги омадли мавсумдан сўнг мухлислар ўртасида ҳам, футболчилар ўртасидаги ҳам жамоанинг энг яхши ўйинчиси деб топилди.

Шунингдек, дарвозабон Англия профессионал футбол Ассоциациясининг "йил жамоаси"га ҳам киритилди. Бир сўз билан айтганда, бугунги кунда Давид дунёнинг энг яхши дарвозабони ҳисобланади.

Эрреранинг фикрича, жамоадоши ва "Барселона" форварди Лионель Мессининг қобилияти ўртасида умумий нимадир бор.

"Менимча, бугунги кунда Давид энг зўри. Унда ўзгача иқтидор бор. Назаримда, яратган ҳудди Мессини танлаганидек Де Хеани ҳам танлаган.

Унинг "Ливерпуль" билан ўйинда бажарган ишларини машғулотларда ўрганиб бўлмайди. Унинг Агуэрога қарши ўйинини ўрганиб бўлмайди, ўшанда Серхио Давиднинг дарвозасидан 2 метргина узоқда эди.

У жуда яхши, бу нарса ҳар сафар кўринади. У тўпни олгач, у билан нима қилишни билади.

Унда ўзгача имкониятлар бор, менимча уларни машғулотларда ўзига сингдирмаган. Чунки, уларни ўрганиш имконсиз. Фақатгина мана шундай иқтидор бўлиб туғилиш керак", - деди Эррера.