Анчелоттининг баёноти бекор ёхуд "Реал" клублар ўртасидаги ЖЧда қатнашади
10 июн 19:09
Новости
Анчелоттининг баёноти бекор ёхуд "Реал" клублар ўртасидаги ЖЧда қатнашади
Мадриднинг "Реал" клуби 2024/25 йилги клублар ўртасидаги Жаҳон чемпионатида иштирок этишини маълум қилди.
Ҳозирда Чемпионлар Лигасининг амалдаги чемпиони бўлган Мадриднинг "Реал" клуби 2024/25 йилги клублар ўртасидаги Жаҳон чемпионатида иштирок этишдан бош тортмоқчи эмас. Бу қарор Мадрид клуби матбуот хизмати томонидан эълон қилинди.
Аввалроқ "қаймоқранглилар" бош мураббийи Карло Анчелотти молиявий аҳвол яхшиланмаса, клуб турнирда иштирок этмаслигини маълум қилганди.
2025 йилги клублар ўртасидаги Жаҳон чемпионати АҚШда янгиланган форматда – 32 та жамоа иштирокида ўтказилади.
Комментарии
“Il Giornale нашрига берган интервьюсида клублар ўртасидаги жаҳон чемпионати ҳақидаги сўзларим мен кутганимдан бошқача талқин қилинди.
"Реал Мадрид" билан чемпионлик учун курашни давом эттириш учун ажойиб имконият бўлиши мумкин бўлган турнирда қатнашмасликдан бошқа ҳеч нарса менинг манфаатларимга зид келмайди", - деб ёзди Анчелотти ўзининг "Твиттер"даги расмий саҳифасида.
Клуб ҳам турнирда иштирок этиш ниятини тасдиқловчи расмий баёнот берди.
Мадриднинг "Реал" клуби 2024/2025 йилги мавсумда клублар ўртасидаги янги Жаҳон чемпионатида иштирок этишига ҳеч қачон шубҳа йўқлигини айтди.
"Клубимиз режалаштирилганидек, биз ғурур ва иштиёқ билан ёндашаётган ушбу турнирда иштирок этади, шунда бутун дунё бўйлаб миллионлаб мухлисларимиз яна бир бор янги чемпионликни орзу қиладилар", - дейилади “Реал Мадрид” клуби баёнотида. Буни силардан бошка хамма сайтлар чикарди факат СА чикармади.