Амиржон Сафаровнинг 3та голи «Динамо»га ғалаба келтирди
13 мар 2018 17:15
Новости

Амиржон Сафаровнинг 3та голи «Динамо»га ғалаба келтирди

Теги : Динамо

25 март куни старт оладиган Про-Лига баҳсларига жиддий тайёргарлик кўраётган “Динамо” жамоаси Тошкентда навбатдаги назорат учрашувида майдонга тушди.

Бу сафар Самарқанд жамоасига Про-Лига вакили “Бунёдкор-2” клуби спарринг-рақиб бўлди. “Бунёдкор” академиясига қарашли майдонда ўтган учрашув тажриба бобида рақибдан устун бўлган “Динамо” жамоаси устунлигида ўтди.

Учрашувда “Динамо” ҳужумчиси Амиржон Сафаров томонидан киритилган учта гол самарқандликларга назорат баҳсида ғалаба келтирди. Рақиблар фақат битта гол билан жавоб бера олишди, 3:1.

Назорат учрашуви. Тошкент.

12 март (душанба)

«ДИНАМО» - «БУНЁДКОР-2» - 3:1

Голлар: Амиржон Сафаров 26, 69, 81 – 53.

«Динамо»: Шоҳруҳ Эшбўтаев, Миркомил Локаев, Виктор Григорьев, Ҳакимхон Аъламхонов, Фирдавс Абдусалимов, Акмал Бозоров, Жасур Азимов, Мирза Жониқулов, Артур Маркарян, Амиржон Сафаров, Муйдин Мамазулунов.

«Динамо» (2-бўлим): Шохруҳ Раимов (Рустам Тоштурдиев), Бунёд Исроилов, Жасур Ашуров, Асомиддин Маматов, Далер Алмосжонов, Дамир Темиров, Ҳумоюн Толибов, Комил Шарофутдинов, Илҳом Юнусов, Жасур Қурбонов, Марадона Сафаров.

«Динамо» навбатдаги назорат учрашувларини Про-лига иштирокчиларига қарши, 14 март куни “Пахтакор-2”, 15 март куни эса “Локомотив-БФК” клубига қарши ўтказади.