Амир Ғалинои: "Азмун бўйича якуний қарорни ўйиндан аввал қабул қиламиз"

Бугун ўйинолди матбуот-анжумани бўлиб ўтди. Унда меҳмонлар бош мураббийи Амир Ғалиони ҳамда Воҳид Амири иштирок этди.  

- Эртанги учрашув ҳақидаги фикрларингиз?
- Барчага салом, мен Ўзбекистонга бир неча маротаба келганман. Самвел Бабаян менинг яқин дўстим. Ўзбек футболи ҳақида етарлича маълумотга эгаман. Ҳукуматингиз футболга катта эътибор қаратаётгани қувонарли. Инфраструктура анча ривожлангани кўриниб турибди. 2006 йил Малайзия терма жамоаси бош мураббий сифатида ишлаганман ва Ўзбекистон билан тўқнаш келган эдик.

- Ўйин ҳақидаги фикрларингиз?
Воҳид Амири: Биз яна бир бор Ўзбекистон терма жамоаси билан тўқнаш келаётганимиздан жуда хурсандмиз. Ўзбекистон Осиёнинг энг кучли жамоаларидан бири ҳисобланади. Эртанги учрашувда яхши натижа қайд этиб, асосий мақсадимиз жаҳон чемпионатига кичик қадам ташламоқчимиз.

- Ўзбекистонга кўп келгансиз. Сардор Азмуннинг жароҳати бор деган хабарлар эшитдик. Эртанги учрашувда Сардорни майдонда кўрамизми.
- Яна бир бор Ўзбекистонда эканлигимдан хурсандман. Шифокорларимиз ҳали аниқ жавобни айтишмади. Ўйиндан аввал жавобни билиб оламиз. Футболчиларнинг соғлиғи ҳамма нарсадан устун.

- Футболчилик фаолиятингизда, Ўзбекистонга қарши кўп тўқнаш келгансиз. Терма жамоамиз футболчилари билан танишсизми?
Воҳид Амири: Мен Ўзбекистонга 7-8 маротаба ташриф буюрганман. Ўзбекистон терма жамоаси футболчилари билан яхши танишман. Элдор Шомуродов ва Машариповларни алоҳида эътироф этишимиз керак. Ўзбек футболига катта ҳисса қўшган Сервер Жепаров ва Тимур Кападзеларни яхши танийман ва ҳурмат қиламан. Улар ҳозир мураббийлик фаолиятини олиб бормоқда ва уларга омад тилайман.

- Ўзбекистоннинг гуруҳ босқичидаги ўйинларни кўрдингиз ва ўша учрашувларда Ўзбекистон ҳар хил таркибда майдонга тушишди. Ўзбекистон терма жамоасининг ўйини ҳақида фикрингизни айтиб ўтсангиз?
- Ўзбекистон терма жамоасининг бош мураббийи соғлиғидаги муаммолар сабаб, ҳозир биз билан эмас. Жаноб Сречкога соғлик тилайман. Биз бугун машғулот жараёнидан олдин терма жамоангизнинг ўйинини анализ қилиб чиқмоқчи эдик.