Америка Кубоги-2015. Чили илк ярим финалчи
25 июн 2015 07:57
Новости

Америка Кубоги-2015. Чили илк ярим финалчи

Чили яшил майдонларида давом этаётган футбол бўйича Америка Кубогида ярим финалнинг илк иштирокчиси маълум бўлди.

Ҳозиргина якунига етган чорак финалнинг дастлабки учрашувида майдон эгалари Уругвай терма жамоасини 1:0 ҳисобида мағлуб этишди.

Ўйиндаги ягона гол 81-дақиқада Маурисио Исла томонидан киритилди. Уругвай терма жамоаси ўйинни 9 киши бўлиб якунлаганлиги эътиборга молик ҳолат. Аввалига 63-дақиқада Эдисон Кавани иккинчи сариқ карточка эвазига майдондан четлатилди. 88-дақиқада эса худди шундай ҳолатда энди Фусилега қизил карточка кўрсатилди.

Шу тариқа, мусобақанинг амалдаги ғолиби ўз ваколатини топширди. Айнан Уругвай Копа Американинг амалдаги ғолиби эди. Энди Чили терма жамоаси ярим финалда Боливия – Перу учрашуви ғолиби билан тўқнаш келади.

Америка Кубоги-2015

1/4 ФИНАЛ

ЧИЛИ – УРУГВАЙ 1:0 (0:0, 1:0)

25 июнь, 04.30. “Эстадио Насьональ”

Гол: 1:0 – 81 Исла.

Чили – Браво, Исла, Медель, Хара, Мена, Видаль, Диас (Фернандес, 71), Арангис, Вальдивия (Писарро, 85), Варгас (Пинилья, 71), Санчес.

Уругвай – Муслера, Перейра, Хименес, Годин, Фусиле, Санчес (Родригес, 85), Гонсалес, Аревало, Родригес, Ролан (Эрнандес, 58), Кавани.

Огоҳлантиришлар: Вальдивия (18), Кавани (29), Фусиле (40), Исла (43), Перейра (67), Пинилья (84).

Четлатиш: Кавани (63), Фусиле (88).

Ссылка :

Источник : championat.asia

Получайте новости прямо в Telegram!

Рейтинг: