Аллегри: "Ҳеч бўлмаса Европа Лигасига йўл олишимиз керак"

Туринликлар гуруҳ босқичининг 5-турида меҳмонда "Бенфика"га (3:4) имкониятни бой бериб, 1/8 финалга чиқиш имкониятидан маҳрум бўлишди.

"Бу ўйинга нотўғри ёндашувдан ҳам кўпроқ нарса эди. Биринчи бўлимда ҳимояда жуда заиф ҳаракат қилдик.

Чемпионлар Лигасидан чиқиб кетганимиздан ҳафсаламиз пир бўлди. Энди бор эътиборимизни А Серия ва ПСЖга қарши ўйинга қаратишимиз керак, чунки ҳеч бўлмаганда Европа Лигасига чиқишимиз керак.

Мавсумнинг биринчи қисми "Ювентус" учун яхши бўлмади. Биз Чемпионлар Лигасидан чиқиб кетдик ва Италия чемпионатида ортда боряпмиз. Бунга жавоб беришимиз зарур.

Бугун жуда кўп хатоларга йўл қўйдик, лекин энди бу ҳақда гапиришдан фойда йўқ.

Ёш йигитлар учун хурсандман, уларнинг барчаси куч-ғайрат ва техник маҳоратини ишга солиб ўйнашди – ўйиннинг маълум қисмида бу бизга зарур эди", – деди "Юве" бош мураббийи.

"H" гурухидаги ҳолат