Альканатара "Барселона" мураббийлар штабига қайтмоқда

Алькантара Каталония клубидаги бир неча ҳафта мобайнида Флик штабининг бир қисми бўлиб, "Барселона" футболчиларини германиялик мураббийнинг тактик фалсафаси билан таништиришда муҳим роль ўйнаганди.

ESPN Тьягонинг "Барселона"га қайтиши мумкинлиги ҳақидаги оптимистик ҳисоботни чоп этди. "Кўк-анорранглилар" молиявий фэйр-плей билан боғлиқ баъзи молиявий чекловлар олиб ташланганидан сўнг Тьягонинг қайтишига умид боғлаган.

Хабарларга кўра, Алькантаранинг вазифаси ёш футболчиларга Флик фалсафасига мослашишга ёрдам бериш, шунингдек, жамоа ва мураббийлар штаби ўртасида муҳим кўприк вазифасини ўташдан иборат бўлади.

Тьяго Флик билан илиқ муносабатларига эга ва унинг қўл остида "Бавария"да ўйнаган.