Алишер Никимбаев: "Янги иш жойим аниқ, шартнома имзоланди"
06 дек 2017 15:40
Новости

Алишер Никимбаев: "Янги иш жойим аниқ, шартнома имзоланди"

Таниқли футбол мутахассиси Алишер Никимбаев бугун "Championat.asia" меҳмони бўлди.

ОЧЛ гуруҳ босқичига қуръа ташлаш маросимини YouTubeдаги саҳифамизда жонли эфирда шарҳлаб борган мутахассис бир қатор мавзуларда ўз фикрлари билан ўртоқлашди.

Шу ўринда Алишер Никимбаев янги иш жойи маълум бўлганини ҳам таъкидлаб ўтди.

"Келгуси иш фаолиятимни қаерда давом эттиришим маълум. Яқиндагина бу борада шартнома имзоланди. Янги иш жойим Ўзбекистонда эмас, араб мамлакатларининг бирида", - деди Алишер Никимбаев.

ОЧЛ гуруҳ босқичи қуръаси борасида ҳам ўз фикрлари билан ўртоқлашди.

"Локомотив" учун жуда яхши "квартет". "Темирйўлчилар" нисбатан осон гуруҳдан жой олишди. Агарда "Насаф" ҳам гуруҳга чиқадиган бўлса, унда уларнинг гуруҳлари ҳам яхши, тенг кучли жамоалардан иборат.
"Пахтакор" тушиши эҳтимоли мавжуд гуруҳ эса "Локомотив" ва "Насаф"никидан анча қийин", - деди Никимбаев.

ОЧЛ-2018. Қуръа ташлаш маросими бўлиб ўтди

Ссылка :

Источник : championat.asia

Получайте новости прямо в Telegram!

Рейтинг: +34