Алибоевга умуман ишонч билдирмаган мураббий "Сеул"ни тарк этди. Клуб германиялик мурббийлар билан музокара олиб бормоқда
05 окт 2020 14:31
Новости

Алибоевга умуман ишонч билдирмаган мураббий "Сеул"ни тарк этди. Клуб германиялик мурббийлар билан музокара олиб бормоқда

Ўзбекистонлик Икром Алибоев ўйнаётган "Сеул" клуби мураббийлар штабида ўзгаришлар рўй берди.

Сентябрь ойи охирида "Сеул" бош мураббийи вазифасини бажарувчи Ким Хо Юнг истеъфога чиқарилди.

Клуб германиялик мураббийлар Торстен Финк ва Томас Долль билан музокара олиб бормоқда. Бу ҳақда Sports Chosun нашри хабар тарқатди.

Маълумот учун, Икром Алибоевни "Сеул"га ундан олдинги мураббий Чой Юнг Су олиб келганди. Бироқ у шу йилнинг 30 июль куни истеъфога чиқарилганди. Ким Хо Юнг эса Алибоевга умуман ишонч билдирмади ва умуман майдонга туширмади.

Алибоевнинг "Сеул" билан 2021 йил охиригача мўлжалланган шартномаси мавжуд.