Алексей Касьян "Андижон" йиғинида

Футболчилар шанба куни тиббий текширувдан ўтказилди. Машғулотлар кунига икки маҳалдан ўтказилмоқда. Айтиш керакки, пойтахтдаги йиғин чоғида бургутлар учун бегона бўлмаган бир қатор футболчилар машғулотларга қўшилди. Гап Шуҳрат Мирхолдиршаев ва Алексей Касьян ҳақида кетмоқда.

Жароҳати сабабли бир йил майдон ташқарисида бўлган Мирхолдиршаев кутилганидек "Андижон" таркибига келиб қўшилди. Кеча ундан ташқари Касьян ҳам Тошкентга келди. Молдавиялик футболчи бундан бир неча йил олдин ҳам Андижон учун тўп тепганди. Чап қанот ҳимоясида ўйнайдиган легионер айни пайтда кўрикдан ўтмоқда. Агарда Касьян ўзидан яхши таассурот қолдира олса, олиб қолиниши кўзда тутилган.
Бундан ташқари литвалик легионерларнинг ҳам жамоа йиғинига келиши айтилаётганди. Аммо ҳозирча улардан дарак йўқ.
Дарвоқе, Азамат Абдураимов бошчилигидаги жамоа бугун Тошкентдаги йиғинида илк синов-назорат баҳсини ўтказади. Рақиб сифатида "Бунёдкор-2" танланган.