Александр Хомяков: "Танаффусдан сўнг дарҳол гол ўтказиб юбориш аламли"

"Узоқ кутилган янги мавсум старт олди. Умид қиламизки, мавсум омадли келади. Мухлисларимизни хурсанд қиламиз. Бугун қизиқарли учрашув гувоҳига айландик. Футболда қайсидир жамоа ютиши, бошқаси мағлуб бўлиши табиий ҳол. Афсуски, бугун биз мағлубиятга учрадик.  Дурангга лойиқ ўйин кўрсатдик. Фикримча, мезбонларга қараганда голга тортадиган кўпроқ вазиятларни юзага келтирдик, бироқ фойдалана олмадик. Ўтказиб юборилган гол ҳам аламли тарзда дарвозамиздан жой олди.  Бу биринчи ўйин, албатта, навбатдаги баҳсларда вазиятни ўнглашга ҳаракат қиламиз", – дейди Александр Хомяков. 

- Дурангга лойиқ ўйин бўлмадими, нима деб ўйлайсиз?

- Ҳозир аниқ талқин қилиш қийин. "Бунёдкор" қанча вазият яратганини эслай оласизми? Танаффусдан сўнг дарҳол гол ўтказиб юбориш аламли. Кийим алмаштириш хонасидан чиқиб, гол ўтказиш ёқимсиз. Бу биринчи ўйин, албатта, навбатдаги баҳсларда вазиятни ўнглашга ҳаракат қиламиз.

- "Машъал" сизнинг услубингизга тўла мослашиб олиши учун қанча вақт керак бўлади?

- Чет эллик мураббий қандай ишлаганини муҳокама қилишим қийин. Мен 8 кундан буён жамоа биланман ва кўп ўзгартириш қила олмасдим. Ҳар қандай мураббий янги жамоани қабул қилиб олгач, қандайдир ўзгартириш киритиш учун камида 6 ҳафта вақт керак бўлади.