"Ал Файсалий" Қаршига келадиган кун маълум бўлди
24 янв 2018 19:14
Новости

"Ал Файсалий" Қаршига келадиган кун маълум бўлди

Теги : Насаф

30 январь куни Қаршининг "Насаф" клуби "Марказий" стадионида ОЧЛ гуруҳ босқичига чиқиш учун Иорданиянинг "Ал Файсалий" клубини қабул қилади.

Клуб расмий сайтининг хабар қилишича, “Ал Файсалий” клуби расмий делегацияси ва футболчилари 26 январ жума куни эрталаб Истанбул-Тошкент ҳаво йўналиши орқали Тошкентга келишади. 27 январ куни эса “Афросиёб” поездида Тошкентдан Қаршига келишади ва “Hayot” меҳмонхонасига жойлашадилар.

“Ал Файсалий” клуби делегацяси 36 кишидан иборат, шулардан 21 нафари футболчилардир.

Меҳмонлар 27 ва 28 январ кунлари Қарши шаҳридаги “Геолог” стадионида ўйинга тайёргарлик машғулотларини ўтказишни режалаштирган.

"Аждарлар" берган маълумотга кўра, ушбу учрашувни япониялик ФИФА ҳаками Хирюки Кимура бошқаради. Унга қанотларда ҳамюртлари Очи Шинжи ва Такаги Такумилар ёрдам беришади.

Учрашувда захира ҳаками сифатида тожикистонлик ҳакам Насрулло Кабиров ишлайди.

Ҳакамлар ишини Али Ҳамад Бадавий (БАА) назорат қилади.

Учрашувда Доржи Минду (Бутан) комиссарлик қилади.

Ссылка :

Источник : Championat.asia

Получайте новости прямо в Telegram!

Рейтинг: +22