"Ал Файсали" бош мураббийи Қаршидаги қорни кўриб нима деди? ФОТО

Қаршига рейс номаълум муддатга қолирилгач барча аэропортда кутмоқда. Биз эса фурсатдан фойдаланиб "Ал Файсали" бош мураббийи Небойся Йовович билан суҳбатлашишга уриндик. 

Ўзимизни таништиргач унга Қаршидаги стадион айни пайтда қандай ҳолатда эканлигини кўрсатдик. Мураббий бундан хайрон қолди. "Тўғриси кучли қор ёғишини кутмагандик. Хайрон қолдим. Аммо бу бизнинг кайфиятимизга таъсир қилмайди. Барчамиз яхши кайфиятда Қаршига учамиз. Ҳозир энг асосий мақсадимиз Қаршига тезроқ етиб бориш", - дейди "Ал Файсали" устози Небойся Йовович championat.asia сайтига берган интервьюсида. 

"Ал Файсали" клуби делегациясидаги барча сайтимизд бироз аввал чоп этилган ХАБАРни кўриб чиқмоқда. Баъзилар кулмоқда, баъзилар кучли қордан хайрон қолишди. 

Эслатиб ўтамиз, бугун Қаршида соат 15:00да "Ал Файсали" бош мураббийи ва футболчиси иштирокида матбуот анжумани бўлиб ўтиши лозим. 

"Насаф" - "Ал Файсали" учрашуви эса 30 январь куни соат 16:00да бошланади. 

Толибжон Қосимов ва Шаҳбоз Беғамов