Акром Комилов: "Гуруҳ босқичидан чиқа олмаган бўлсак ҳам ғалаба қозонишимиз шарт эди"
25 апр 2017 14:46
Новости

Акром Комилов: "Гуруҳ босқичидан чиқа олмаган бўлсак ҳам ғалаба қозонишимиз шарт эди"

Кеча ОЧЛ гуруҳ босқичида Тошкентнинг "Бунёдкор" клуби ўз уйида Саудия Арабистонинг "Ал Ахли" жамоасини қабул қилди ва 2:0 ҳисобида ғалаба қозонди.

Ушбу учрашувдан сўнг "Бунёдкор" жамоаси ҳимоячиси Акром Комилов ўйин ҳақида ўз фикрлари билан ўртоқлашди.

"Биз гуруҳ босқичидан чиқа олмаган бўлсак ҳам ғалаба қозонишимиз шарт эди. Мураббийлар штаби бизга босимсиз ўйин кўрсатишимизни таъкидлашди. Мураббийимизнинг кўрсатмаларига амал қилган ҳолда ҳаракат қилдик ва 3 очкони қўлга киритдик. Гуруҳда қолиб кетган бўлсак ҳам мухлисларимизни хурсанд қилишга эришдик деб ўйлайман. Ҳисоб йирикроқ ҳам бўлиши мумкин эди. Яратилган имкониятларнинг барчасидан фойдалана фойдалана ололмадик. Кейинги турда "Ал Айн" жамоасига қарши сафарфда баҳс олиб борамиз. Нима бўлган тақдирда ҳам уларни мағлубиятга учратишга ҳаракат қиламиз", - дейди Акром Комилов.