RU

Последние новости

19:28"Алавес" — "Атлетико". Таркиблар маълум  0 19:25Ўзбекистон — Ўмон 0:1 (Матнли трансляция)  23 19:03АПЛ. "Челси" Лондон дербисида ишончли ғалабага эришди  11 18:57"CAFA Nations Cup-2025". Қирғиз Республикаси ва Туркманистон ўзаро дуранг ўйнади  24 18:23"Тоттенхэм" — "Борнмут" ва МЮ — "Бёрнли" ўйинлари учун таркиблар маълум  2 18:19"Ал Наср" — "Ал Батаэҳ". Ғаниев Лига кубоги учун ўйинда асосий таркибда  2 17:52"Ньюкасл" 85+5 млн евро эвазига ҳужумчи харид қилди?!  9 16:53EЧЛ умумий босқичи тақвими: ўйинлар 16 сентябрдан 28 январгача бўлиб ўтади. "Реал" "Атлетико" билан дербидан 2 кун ўтиб, 30 сентябрь куни "Қайрат" меҳмони бўлади  10 15:2240 ёшли Роналду Португалия терма жамоасига чақирилди. Бруно, Феликс, Витинья, Далот ҳам рўйхатда  1 14:48Катта футболга йўл очувчи мусобақа — УЕФА Ёшлар Лигаси: "Қайрат" илк бор ЕЧЛда қатнашади  3 14:41Расман: Нкунку "Челси"дан "Милан"га ўтди  2 14:12"Байер" 30 миллион евролик трансферни амалга оширмоқда  0 13:31"Бавария" Жексонни 65 млн еврога сотиб олиш ҳуқуқи билан 15 млн еврога ижарага олади. Мюнхенликлар "Челси" билан келишиб олди  3 12:45Ўзбекистон терма жамоаси октябрь ойида Малайзияда Уругвай билан ўйнайди   14 12:38"Боруссия" футболчисини 52 млн еврога сотмади  0

Акмал Рустамов: "Ўйлайманки, биз ўйиндан ўйинга кучайиб борамиз" Новости

Акмал Рустамов: "Ўйлайманки, биз ўйиндан ўйинга кучайиб борамиз"

Суперлига 17-туридан ўрин олган "Қизилқум" - "Бухоро" (1:0) учрашувидан сўнг "Қизилқум" бош мураббийи Акмал Рустамов матбуот анжуманида иштирок этди.

- Дастлаб ўйин ҳақида фикрингиз?

- Аввало бутун Навоий халқини ва мухлисларимизни ушбу ғалаба билан табриклайман. Ўтган тур "Сурхон" билан бўлган қийин учрашувдан сўнг тезда тикланиб бу баҳсга эътиборимизни қаратдик. Йигитларга раҳмат, ҳамма бор кучи билан ўйнаб ғалаба қозондик. "Бухоро"ни ўрганиб чиққандик, рақибнинг узун узатмалар билан ўйнашига тайёр эдик.

-  Охирги икки турдан бери Шаҳзод Раҳматуллаев барвақт захирага олинаётгандек.

- Бу тактика билан боғлиқ. Ҳозирги футболда айниқса марказий ярим ҳимоячилар катта ҳажмдаги ишни бажаради. Бу тоифадаги футболчилар 60-70 дақиқа ўйнаб, толиқиб қолишади. Бир ойлик танаффусда биз кўпроқ ўртани кучайтиришга ҳаракат қилдик. Шу боис ҳам Шаҳзод чарчаб қолгани учун бирмунча эрта захирага оляпмиз.

- Уйда ҳимоявий ўйин кўряпмиз. Бу ғалати эмасми?

- Учрашувни мухлис сифатида томоша қилганлар шундай ўйлаши мумкин. Лекин биз бир тўхтамга келиш учун маълум тактика устида иш олиб борамиз. Қайси томонимиз кучли бўлса, шундан фойдаланишга ҳаракат қиламиз. Ҳозир Европада ҳам топ клублар рақибни иккинчи ҳудудда кутиб қарши ҳужум бўйича ўйнаяпти. Биринчи таймда 7-8та имкониятга эга бўлиб битта гол урдик. Тўғри, иккинчи бўлимда вазият кам бўлгандир, лекин ҳисобни сақлаб қолиш учун ўйнамасак бўлмасди.

- Ўйиннинг охирги дақиқаларида захирадан футболчи майдонга тушишга тайёр турибди, лекин футболчилар тўпни майдон ташқарисига тепиб юбормасдан ҳужумга ўтишяпти. Захирадан тушиши керак бўлган ўйинчи эса қараб қоляпти. Ундан кўра тўпни тепиб юбориб ўша футболчининг майдонга тушишига имкон берган яхшимасми?

- Жамоа ҳужумга ўтганда ҳамманинг ўй-хаёли гол уришда бўлади. Бу ўринда ҳеч ким тўпни шунчаки тепиб юбормайди. Буни тўғри қабул қилиш керак, балки ўша вазият гол билан якунланиб қолса-чи.

- Бугун жамоангиз 4-3-2-1 схемасида ўйнади. Ҳаммаси яхши кўринди, фақат охирги пасни беришда камчиликлар кузатиляпти. Бу нима билан боғлиқ? 

- Бу саволни кўп мухлислар бермоқда. Жамоамизда уч нафар янги футболчи бор ва бугун уларнинг учаласи ҳам асосий таркибда майдонга тушди. Булар - Ислом Кенжабоев, Шоҳрўз Норхонов ва Асрор Ғофуров. Ўйлайманки, биз ўйиндан ўйинга кучайиб борамиз. Янги футболчилар жамоага тўлиқ киришиб кетганидан кейин ҳаммаси яхши бўлади.

Рейтинг: +1   

Комментарии

championat.asia
< посмотреть последние новости
Яндекс.Метрика