Аҳмаджон Исроилов: "Муборак рамазон ойида келиб бизни қўллаб-қувватлаган мухлисларга раҳмат айтаман"
25 мая 2018 10:30
Новости

Аҳмаджон Исроилов: "Муборак рамазон ойида келиб бизни қўллаб-қувватлаган мухлисларга раҳмат айтаман"

ПРО-Лига 11-туридан ўрин олган “Ёзёвон”- “Ғиждувон” (3:1) учрашувидан сўнг “Ёзёвон” клуби вакили Аҳмаджон Исроилов ўз фикр ва мулоҳазаларини билдирди.

- Бугунги учрашув ҳақида нималар дея оласиз?
- Бугунги ўйинда футболчиларимизда иштиёқ кучли эди. Шу жумладан ўзим ҳам, клубимиз мутасаддилари ва мураббийлари ҳам бугунги ўйинга кучли иштиёқ билан турган эдилар. Сабаби биз кетма-кет икки турда дам олдик, шунингдек, охирги учрашувда айнан “Ғиждувон” жамоасидан мағлубиятга учрагандик. Шу боис учрашувга жиддий тайёргарлик кўрдик, бугун мағлуб бўлишга ҳаққимиз йўқ эди.

Йигитларимиздаги иштиёқни кўриб, бугунги учрашувдан кўнглим тўқ эди. Ғалабамизнинг асосий омилларидан бири тезкор гол уриб олганимиз бўлди. Футболчилармизга катта раҳмат, улар бугун биз истагандек ўйин кўрсатиб беришди. Муборак рамазон ойида рўзадор бўлсада, майдонга келиб бизни қўллаб-қувватлаган мухлисларга раҳмат айтаман.

Бекзод Толибов ёзиб олди.