АГМК зўр трансферга қўл урди

Миржалол Қосимов бошчилигидаги АГМК давралар оралиғида ўз таркибини кучли ижрочилар билан бойитишда давом этмоқда. 

Трансфер ойнасидан унумли фойдаланаётган АГМК ҳозирга қадар "Қизилқум" таянч ярим ҳимоячиси ва сардори Эркин Бойдуллаевни қўлга киритди. Шунингдек, жамоа собиқ легионери Владислав Касмининни ортга қайтарганди. 

Фото: АГМКнинг кечаги машғулоти 

Факт: АГМК машғулотидаги янги футболчилар 

Кеча эса жамоага аввал хабар берганимиздек "Қизилқум"нинг грузиялик легионери Элгужа Григалашвили келиб қўшилди.

Айни пайтда кичик жароҳати борлиги туфайли Григалашвили жамоа билан умумий гуруҳ машғулотларида иштирок этмаяпти. Якка тартибда шуғуллангаётган футболчи тез орада клуб билан расман шартнома тузиши кутилмоқда.

Элгужа Григалашвили катта эҳтимол билан АГМКда бўш турган 7-рақамни олиши кутилмоқда.