Аднан Ораховац: "Майдонда боримизни берамиз"
11 мар 2016 11:05
Новости
Аднан Ораховац: "Майдонда боримизни берамиз"
"Шерлар" айни пайтда тиғиз тақвим остида ўйинлар ўтказишмоқда. Қўқонликлар билан беллашувга тайёргарлик хусусида Аднан қуйидагича жавоб қайтарди:
- Ҳар бир баҳсга имкони борича жиддий ёндошамиз. Чунки ҳеч бир беллашув осон ўтмайди. Биз рақибнинг турли ҳаракатлари туширилган лавҳаларни томоша қилдик. Шу асосда уларнинг ўзига хос жиҳатларини билиб боряпмиз. Машғулотларга барча масъулият билан қарайди.
"Қўқон-1912" жамоаси тўғрисида нималарни билиши ҳақида берилган саволга Ораховацнинг жавоби шундай бўлди:
- Бу жамоага қарши ўтган йили икки марта ўйнадик. Сафардаги беллашувда улар бизга етарлича муаммо туғдиришган ва дуранг қайд этгандик. Тошкентда эса бу жамоани таслим этганмиз. Рақиб таркибида бир қатор янги футболчилар ва мураббий борлигини яхши биламиз. Ҳар бир мураббий ўзи маъқул билган ўйин услубини юзага келтиришга интилади. Бу жамоа бор имконияти билан ўйнашига шубҳа йўқ. Ўз навбатида биз ҳам ғалаба қозониш учун майдонда боримизни берамиз. Кескин кечадиган баҳсга тайёрмиз.
"Пахтакор" ва "Қўқон-1912" жамоалари ўртасидаги учрашув 11 март, жума куни соат 17:30да "Пахтакор" стадионида бошланишини эслатиб ўтамиз.
"Пахтакор" матбуот хизмати
Похожие новости
championat.asia
Суперлига. "Андижон" ўз майдонида бир киши кам "Машъал"дан устун келди
Суперлига. "Нефтчи" захирадан тушганларнинг самарали ҳаракатлари эвазига "Локомотив"дан устун келди
ЕЧЛ. "Ньюкасл" "Камп Ноу"да зор йиғлаган кеча ёхуд "Барселона" чорак финалда!
Суперлига. Икки гол бекор қилинган ва уч пенальти белгиланган ўйинда "Пахтакор" "Сўғдиёна"ни мағлуб этди
Комментарии