Абрамов Қозоғистон терма жамоасида ишлайдими?

14 августда Грузияга қарши ўйиндан сўнг Беранек терма жамоадан кетиши мумкин.

Беранек бошчилигидаги Қозоғистон терма жамоаси ЖЧ-2014 6та ўйинда 1та гол уриб охирги поғоналарда юрибди.

Ушбу лавозимга Ўзбекистон терма жамоаси собиқ устози Вадим Абрамов бош даъвогар сифатида кўрилмоқда.

- Вадим Карленович, ҳайрли кун! Бизга маълум бўлишича сиз Қозоғистон терма жамоаси бош мураббийлигига бош даъвогарсиз.
- Бу ҳақда эшитиш ёқимли. Аммо воқеалар ривожини тезлаштириш керак эмас, сабаби ҳали расмий маълумот йўқ. Биринчидан ушбу таклиф қанчалик жиддийлигини билиш лозим. Албатта, исталган мураббий терма жамоани бошқарса бу фахр. Бундай таклиф ҳар қандай мураббийни хурсанд этади ва қизиқиш уйғотади.  Агар клуб ёки терма жамоа олдига катта мақсадлар қўйилса жон деб ўз тажрибамни Қозоғистонда синаб кўрардим. Менимча сўнгги йилларда Қозоғистонда биринчи рақамли спорт турини ривожлантириш бўйича кўп ишлар амалга оширилди ва мен учун бу ерда ишлаш қизиқ бўларди.