Абдулла Абдуллаев: “Рақиб зич ҳимоялангани вазиятларимиз кам бўлишига хизмат қилди”

Ўйин ҳақида

- Дастлабки турдаги мағлубият аламли бўлди. Рақиб жамоада иккинчи бўлимда биргина вазиятдан гол ўтказиб юбордик. “Ал Васл” бурчак тўпидан сўнг дарвозамизни ишғол қилишга муваффақ бўлди. Ҳужумларимиз камроқ бўлса ҳам биз бу имкониятдан фойдаланишимиз керак эди. Бу ўйин тарихда қолди, энди навбатдаги учрашувларга тайёргарликка киришамиз.

- Ўйин давомида “Пахтакор”да вазиятларнинг кам бўлгани нима билан боғлиқ?

- Рақиб зич ҳимояланди. Шу боисдан ҳам ёриб ўтиш қийин бўлди. Биз охиригача ҳаракат қилдик, лекин бугун гол уриш насиб қилмаган экан. Ўйиндан ўйинга камчиликларимизни тўғрилаб, янада кучайиб борамиз.

- “Насаф” Суперлигада очколар жиҳатидан илгарилаб кетди. Эндиликда “Пахтакор”нинг мақсади Элит Чемпионлар лигасига қаратиладими?

- Йўқ, биз охиригача ҳаракат қиламиз. Биринчи ўрин учун қийин, бироқ бизнинг “Пахтакор” деган номимиз бор. Шундай экан, ўз номимизга яраша Суперлигани ҳам ташлаб қўймаймиз. Натижа учун охиригача курашамиз.