Аббос Файзуллаев: "Эронга қарши баҳсда майдонга фақат ғалаба учун чиқамиз"
09 сен 2023 22:34
Новости

Аббос Файзуллаев: "Эронга қарши баҳсда майдонга фақат ғалаба учун чиқамиз"

U-23 Осиё Кубоги саралаши 2-тури доирасидаги Гонконг – Ўзбекистон учрашувидан (0:10) сўнг Аббос Файзуллаев баҳс ҳақида фикрлари билан ўртоқлашди.

Аббос Файзуллаев: "Яхши ўйин бўлди, ҳаммани ғалаба билан табриклайман. Терма жамоадагилар бор кучини беришди. Халқимиз йирик ҳисобдаги ғалабага ҳақли эди".

- Бугун Тимур Кападзе сизга ишонч билдирди, терма жамоада ўзингизни қандай ҳис қиляпсиз?

- Ўзимга ишонч ҳис қиляпман. Терма жамоада доим бор кучимни ишга соламан.

- Эронга қарши баҳсда бизни ғалаба ҳам дуранг ҳам қониқтиради...

- Эронликлар билан ўйин қийин бўлади. Чунки улар Осиёнинг энг яхшиларидан бири ҳисобланишади. Майдонга фақат ғалаба учун чиқамиз.