"90-йиллар футболи". Голландия-1995
16 авг 2015 07:30
Новости

"90-йиллар футболи". Голландия-1995

Теги : 90-йиллар Голландия-1996

"90-йиллар футболи" рукнининг навбатдаги расмини кутиб олинг.

Голландия терма жамоаси 1996 йил Англияда бўлиб ўтган Европа чемпионати финал босқичига плей-офф ўйини орқали йўлланма олган. 1995 йилда Гус Хиддинк бошчилигидаги голландлар Ирландия терма жамоасига қарши майдонга тушишган. Битта ўйиндан иборат бўлган ўша ўйин 13 декабрь куни Ливерпуль шаҳридаги "Энфильд" стадионида бўлиб ўтган.

Учрашувда Патрик Клюйверт 30 ва 89-дақиқада ирландлар дарвозасига иккита гол уриб "лолалар юрти" жамоасини ЕВРО-96га олиб чиққан.

Голландия қитъа чемпионатида гуруҳда мусобақа мезбони Англия, шунингдек Шотландия ва Швейцарияга қарши ўйнган. Гуруҳдан Англия ва Голландия кейинги босқичга чиққан. Чорак финалда Голландия Францияга пенальтилар сериясида ютқазиб қўйган - 4:5. Кларенс Зеедорф пенальтилар сериясида гол ура олмаганди.

Қуйидаги расм Ирландияга қарши кечган плей-офф учрашувидан олдин олинган.

Юқори қатор, чапдан: Эвин ван дер Сар, Кларенс Зеедорф, Уинстон Богард, Деннис Бергкамп, Денни Блинд, Патрик Клюйверт.
Пастки қатор, чапдан: Гленн Хелдер, Михаил Райцигер, Марк Овермарс, Эдгар Давидс, Рональд де Бур.