"8+3". Катанец — хато танлов (18-сон)
08 дек 2021 12:00
Новости
Бу гал Ўзбекистон оғир атлетика федерацияси матбуот котиби, журналист Омонжон Тўхтамирзаев билан суҳбатлашдик. У кишига футболга оид 8, футболдан ташқари 3та савол билан мурожаат қилдик.

- Сиз ўйинларини бевосита кузатган энг кучли футболчи ким?
- Мен кузатган футболчилар орасида энг кучлиси - Роналдиньо.
- Сиз кўрган энг чиройли гол қайси?
- ЕЧЛ 1/8 финалида (2004 йил адашмасам) Роналдиньо "Челси" (Чех) дарвозасига урган голи.
- Футбол оламида бошқалардан мутлақ ажралиб турадиган шахс ким?
- Криштиану Роналду (меҳнаткашлиги эвазига шу даражага чиққан деб ҳисоблайман).
- Ўзбекистон терма жамоасини бошқарган энг кучли мураббий ким?
- Халқаро миқёсда ўлчасак, чинакамига кучли мураббий бўлмаган. Назаримда, Катанец ҳам хато танлов.
- Ўзбек футболидаги энг омадсиз шахс ким?
- Ҳар сафар ЖЧга чиқамиз деб кутадиган мухлислар. Бевосита футболчиларга келсак - Одил Аҳмедов. Менимча, умумий фаолияти инобатга олинса, у кўпроғига лойиқ эди.

- Сизнингча, бугун ўзбек футболининг қайси жиҳатлари танқидга лойиқ?
- Ташкилий масалаларга ҳозиргидан чуқурроқ қараш зарур. Деярли ҳаммамиз осонгина футболчиларни айбдорга чиқаришга ўрганиб қолгандекмиз. Лекин майдон ташқарисидаги ишлар ҳам анча муҳим.
- Сиз бевосита стадиондан кузатган энг охирги ўйин?
- Вазият тақозоси туфайли охирги марта стадиондан ўйинни кузатганимга ярим йилдан кўпроқ бўлибди.
- Ўзингиз ўйинларини кузатган футболчилар орасидан рамзий жамоа тузиб беринг.
Икер Касильяс, Филипп Лам, Карлес Пуйоль, Серхио Рамос, Гари Невилл, Зинедин Зидан, Каземиро, Тони Кроос, Роналдиньо, Криштиану Роналду, Фернандо Торрес.
- Ҳаётдаги кумирингиз ким?
- Кимнидир тўғридан-тўғри кўчириш керак эмас, имкон қадар яхши ҳислатларни кўпайтириш керак.
- Ўзингизга ёқмаган тарафингиз қайсилар? Камчиликларингиз...
- Ёқмаган тарафим - вақтимдан максимал равишда унумли фойдаланмаяпман, менимча. Камчиликларим борасида яқинларим, атрофимлагилардан сўраш тўғрироқ бўлса керак.
- Ҳаётингизнинг бурилиш нуқтаси сифатида қайси воқеани эслайсиз?
- Умид қиламанки, чинакамига бурилиш нуқтаси дейишга арзийдиган вазият, воқеа энди (келажакда) амалга ошади.

"8+3". Ўзбекистон МТЖни бошқарган энг кучли мураббий — Боб Хоугтон (17-сон)
Похожие новости
championat.asia
Al Ain Cup. Остон Ўрунов порлаган оқшомда Ўзбекистон Мисрни мағлуб этди, финалда яна Эрон билан ўйнаймиз
Криштиану Роналду фаолиятида илк бор Португалия термаси сафида қизил карточка олди
Ўзбекистон Хорватия баҳсининг бошланиш вақти маълум
Ўзбекистон U-23 терма жамоаси мағлубиятга учради
Комментарии