Самюэль Это’Онинг 10та клуби ФОТОГАЛЕРЕЯ

Барчаси 1997 йил 16 ёшли Самюэль Это’О Камерундан «Реал» ёшлар жамоасига ўтишидан бошланганди.



«Реал»нинг асосий жамоасида Это’О бир неча йиллар давомида атига 5та ўйинда умуман гол ура олмади. Шу боис уни ижарага бериш бошланди.

Дастлаб Это’О бир мавсум «Леганесе»да ўтказганди, сегунда клубида 30та баҳсда 4та гол урган.



«Леганес»дан сўнг «Эспаньол»да ўйнаган, аммо бу клубда умуман майдонга тушмаган футболчининг расми ҳам йўқ. Шундай ишонишга мажбурмиз.

«Мальорка»га ўтганидан сўнг дунё Самюэль Это’Они таниди. Камерунлик ҳужумчи тўрт ярим мавсумда Испания чемпионатида 50дан ортиқ гол урди.



2004 йил ёзида Это’О 24 миллион евро эвазига «Барселона»га кўчиб ўтади. Франк Райкард ва Хосеп Гвардиола қўл остида камерунлик футболчи уч бор Испания чемпиони, икки бор ЕЧЛ ғолиби ва бир нечта Кубок ҳамда Суперкубокларни қўлга киритди. 201та ўйинда 129та гол урди. 



2009 ёзида Это’О «Интер»га, Ибрагимович эса «Барса»га кўчиб ўтганди. Италияда камерунлик футболчи яна бир бор ЕЧЛда зафар қучди, Италия чемпиони бўлди ва Италия кубогини қўлга киритди.



2011 йил ёзида Это’О «Анжи»га ўтиб Сулейман Керимов жамоасида дунёнинг энг кўп маош оладиган футболчига айланди.



«Анжи» лойиҳасига дарз кетгач Это’О тезда Жозе Моуриньо бошқараётган «Челси»га ўтиб кетганди.



Ўтган ёзда Европанинг бир қатор клублари қизиққанди. Аммо Это’О якунда Англияда қолиб «Эвертон»га ёрдам беришга қарор қилганди.



Ярим йил «Эвертон» учун ҳам, камерунлик учун ҳам яхши ўтгани йўқ. Энди Это’О  Синиша Михайлович устозлик қилаётган «Сампдория» аъзосига айланди.



Футболчи Италия клуби билан 2.5 йиллик шартнома тузди. Аммо Это’О ярим йилдан сўнг бошқа клубга ўтиши ва яна бир янги расм пайдо бўлиши мумкин. Бунисини вақт кўрстаади.