Эшитдик-да! Ҳусайн Норчаев Португалия клубига ўтишга яқин

Championat.asia сайти маълумотига кўра, ҳужумчи бугун шошилинч равишда Ўзбекистон миллий терма жамоаси қароргоҳини тарк этиб, Тошкентга жўнаб кетди. Футболчи визани расмийлаштириши ва тез фурсатда Португалияга бориб "Брага" клубида тиббий кўрикдан ўтиши керак. Португалияда қишки трансфер ойнаси 3 февраль куни ёпилади. Шу боис футболчи тезда Қатардан қайтиб кетишга мажбур бўлди.

Маълумот учун, "Брага" клуби 1921 йил ташкил топган. Уй ўйинларини 30 минг томошабинга мўлжалланган "Брага" стадионида ўтказади. Айни пайтда жамоани Карлос Карвахаль бошқариб бормоқда. "Брага" Португалия чемпионатида 19 та ўйиндан 37 очко тўплаб, мусобақа жадвалида 4-ўринда бормоқда. "Брага" охирги йилларда еврокубокларнинг доимий иштирокчиси ҳисобланади.

Ўзбекистонлик жонкуяр футбол мухлисларидан бир нарсани илтимос қилган бўлардик. "Брага" клубининг ижтимоий тармоқларида Норчаев ва Ўзбекистон бўйича ўринли фикрлар ёзинглар.