"Насаф" Чемпионлар лигасида 11та гол урган ҳужумчи билан оғзаки келишувга эришди
17 фев 2022 14:45
Новости

"Насаф" Чемпионлар лигасида 11та гол урган ҳужумчи билан оғзаки келишувга эришди

Теги : Насаф

Қаршининг "Насаф" жамоаси Марокаш чемпионатида фаолият юритиб келаётган танзаниялик ҳужумчини ўз сафига қўшиб олишга яқин турибди.

"Насаф" футбол клуби Марокаш чемпионати вакили "Видад" жамоаси ҳужумчиси Симон Мсува билан оғзаки келишувга эришди. Футболчи ҳужжатли ишлари якунига етгач, Қаршига етиб келиши режалаштирилган. Мсува Қаршига келгач, тиббий кўрикдан ўтиб жамоа билан шартнома имзолаши кутилмоқда.

Симон Мсува Танзания терма жамоасининг амалдаги футболчиси саналади. Ҳужумчи Марокашнинг "Дифаа Эл-Жадиди" ва "Видад" жамоалари шарафини ҳимоя қилган. Футболчи Марокаш чемпионатида 39та гол муаллифига айланган. Футболчи марказий ҳужумчи ва баъзан ҳужумкор вингер ролида тўп тепади.

Мсува Африка Чемпионлар лигаси тўрт мавсумда 18 ўйинда 11 гол уришга эришган. Шунингдек, Симон Танзания терма жамоаси футболчиси саналади. Мсува Жаҳон чемпионати саралаш босқичида 6 ўйинда 3та гол уриб, Рияд Марез, Осимен, Мбокани, Фегули, Мане каби футболчилар билан бир қаторда тўпурарлар пойгасида курашди. Мсува терма жамоа сафида жами 17та гол урган.

Ссылка :

Источник : championat.asia

Получайте новости прямо в Telegram!

Рейтинг: +75