Муборакда "аср сенсацияси" бўладими?

Эртага 16:45 да старт оладиган "Машъал" ва "Андижон" жамоалари ўртасидаги баҳс 17-турни бошлаб беради.

Машъал

Суперлига. Тур 17 09/09/2021, 16:45 1 : 0 Завершен

Андижан Усмонали Исмоналиев - 31'

45'

90'

28'  Сираджиддин Аллаев

64'  Ибе Мичел Окоро (Шахзод Шайманов)

64'  Ойбек Нурматов (Худоёрхон Сагдуллаев)

78'  Мухаммадали Юлдашев (Мухаммадали Аликулов)

78'  Аббос Шадманов (Каҳрамон Баҳодиров)

87'  Оквара Годвин Чика (Зафарбек Акрамов)

15'  Мухаммадкарим Тоиров

31'  Усмонали Исмоналиев

46'  Мухаммадкарим Тоиров (Диёр Рахимкулов)

66'  Сардор Хурсандов

74'  Диёр Рахимкулов

80'  Азамат Исроилов (Абдулхай Исмаилов)

86'  Шерзод Гуломжонов (Павел Забелин)

Открыть в Матч-Центре

ТУРНИР ЖАДВАЛИ

Ғалаба ҳар 2 томонга ҳам сув ва ҳаводек зарур. "Андижон" айни пайтда Суперлигани тарк этиш учун асосий даъвогар бўлиб турибди.  "Машъал" эса хавфли ҳудуддан 2 очко юқорироқда. 17-турнинг ўзидаёқ "Сурхон" муборак клубини ортда қолдириб, аутсайдерлар орасига қўшиб қўйиши мумкин.

Биринчи давра

Мазкур жамоалар Суперлиганинг4-турида ўзаро тўқнашишган эди. Ўшанда кучлар тенг келган (1:1).

Coca Cola Суперлига. 4-тур
АНДИЖОН – МАШЪАЛ 1:1  

1 апрель 2021 йил. Андижон. "Бобур Арена" стадиони.

Гол: Самуэль Онониву 21, 0:1 - Жасур Жалолиддинов 33, 1:1

"Андижон": 1. Низомиддин Зиёвуддинов, 3. Эдгар Бернхардт (70.Диёр Раҳимқулов, 70) (С), 4. Усмонали Исмоналиев, 5. Абдувоҳид Ғуломов, 7. Мартин Боаке, 8. Бахтиёр Қосимов (Камрон Саидазимов, 46), 10. Жасур Жалолиддинов, 14. Дониёр Исмоилов (17.Фарҳод Соҳибжонов, 70) 28. Суннатилла Ҳамиджонов, 33. Дониёр Абдуманнопов, 49. Пламен Димов.
Захира: 44. Жасур Умрзоқов, 2. Кемран Нажафалиев, 6. Иброҳим Отахонов, 9. Камрон Саидазимов, 17. Фарҳод Соҳибжонов, 70. Диёр Раҳимқулов, 77. Муҳаммад Исаев.

"Машъал": 12. Шоҳруҳ Эшбўтаев, 7. Ифиани Ифиани, 10. Ҳумоюн Муртозаев, 11. Самуэль Онониву (21. Укеме Виллиамс, 88), 13. Шаҳзод Шайманов, 17. Жамолиддин Убайдуллаев, 18. Аббос Шодмонов, 19. Сардор Абдураимов (С) (9. Дониёр Усмонов, 82), 20. Худоёрхон Сагдуллаев (27. Муҳаммад Йўлдошев ,61), 22. Сирож Қўзиев, 23. Самандар Шукуриллаев.
Захира: 1. Ботир Носиров, 2. Зафарбек Акрамов, 5. Нажмиддин Нормуродов, 8. Иби Мишель Окоро, 9. Дониёр Усманов, 21. Укеме Виллиамс, 27. Муҳаммад Йўлдошев.

Огохлантиришлар: Бахтиёр Қосимов ("Андижон") 10, Суннатилла Ҳамиджонов  ("Андижон") 46, Абдувоҳид Ғуломов ("Андижон") 53, Низомиддин Зиёвутдинов ("Андижон") 90+3, Укеме Виллиамс ("Машъал") 90+10.

Сафарда ўйнолмайдиган "Андижон"

"Андижон" мавсум давомида 11 ўйинни "Бобур Арена"дан ташқарида ўтказди (Олмалиқда АГМК билан, Наманганда "Қизилқум" ва "Турон" билан ўтказилган ўйинларда "бургутлар" расмий мезбон эди). Эътиборли жиҳати, "Андижон" мазкур баҳслардаги 33 очколик имкониятдан фақат 3 балл йиғишни уддалади. Тўплар нисбати: -13 (7-20). Жамоанинг сафардаги ягона ғалабаси 12-тур доирасида "Навбаҳор" майдонида қўлга киритилган эди (0:1).

Виктор Кумиков шогирдлари бу борада Суперлигадаги энг ёмон жамоа бўлиб туришибди.

Мезбон фактори

Юқорида "Андижон"нинг жорий мавсум сафар ўйинларида муваффақиятсиз иштирок этаётгани ҳақида айтдик. Биласизми, "Машъал" майдони "бургутлар" учун жаҳаннамнинг ўзгинаси ҳисобланади. "Андижон" Ўзбекистон чемпионатлари тарихида бирор марта ҳам Муборакдан ғалаба билан қайтмаган. 18 ўйин — 3 дуранг, 15 мағлубият (Қуйи дивизиондаги ўйинлар ҳам ҳисобга олинган). Тўплар нисбати: -34 (9-43).

Шундай экан, эртага Кумиков шогирдлари нафақат бу йил ёки 21-асрда, балки ўз тарихида илк бор Муборакда зафар қучиши мумкин. Нима деб ўйлайсиз, сенсация кўрамизми?

Дарвоқе, бугун клубларнинг U-21 жамоалари ўртасидаги ўйин қашқадарёликларнинг йирик ҳисобдаги ғалабаси билан якун топди.

"Шавкат "молодец", клубдан фақат ном қолган" — Усмон Тошев