Испания. 27-тур. "Вальядолид" - "Барселона" 1:0

                                       Матнли трансляция
                                             ЯНГИЛАШ

90+4. ЎЙИН ТУГАДИ! "Вальядолид" ўз уйида ғалабага эришди! Учрашувни биз билан бирга кузатиб борганларга раҳмат айтамиз
90+1. Бурчакдан Алексис Санчеснинг ошириб берган тўпини ҳимоячилар қайтариб юборишди
90. Огоҳлантириш. "Вальядолид". Луис Састре
90. Ўйинга 4 дақиқа қўшиб берилди
87. Дани Алвес яқин масофадан даровзага зарба берди, бириничидан тўп ноаниқ кетди, иккинчидан у ўйиндан ташқари ҳолатда эди
86. "Барселона" ўзининг одатий тўпни узоқ вақт ўзида сақлашни амалга оширмоқда, лекин ҳеч қандай наф бўлаётгани йўқ
83. Хавфли вазият! Вальдет Рама чап қанотдан олдинга ўтиб жарима майдони марказида турган Оскарга тўпни оширди. Оскарнинг зарбаси дарвоза юқорисидан ўтиб кетди.
82. Мессининг аниқ ва кучли зарбасини Мариньо қайтарди
80. Меҳмонлар чамаси 18 метрлардан жарима тўпини амалга оширишади
78. Огоҳлантириш. "Вальядолид". Рубио
77. Алексис Санчес чап қанотдан олдинга ўтди ва рақибни йиқитди.
76. "Барселона" катта куч билан ҳужумга ўтмоқда, "Вальядолид" эса катта куч билан ҳимояланмоқда
72. Ўзгариш. "Барселона". Неймар ўрнига Тельо тушди
71. Ўзгариш. "Барселона". Пике ўрнига Серхи Роберто
71. Ўзгариш. "Вальядолид". Бергдиш ўрнига Валдет Рама
70. Мартино яна бир ўзгаришни тайёрламоқда
66. Хесус Руеданинг жарима тўпидан йўллаган зарбаси дарвоза юқорисидан ўтиб кетди
65. Ўзгариш. "Вальядолид". Манушу ўрнига Оскар майдонга тушди
65. Пике жарима майдони ёнида тўпни қўли билан ўйнади. Чамаси 20 метрлардан мезбонлар жарима тўпини тепишади
64. Педро ҳужумда рақибга нисбатан қоидани бузди
63. Бергдиш чап қанотдан ҳужумга ўтишда давом этади. Унинг зарбаси ноаниқ чиқди
61. Ўзгариш. "Барселона". Фабрегас ўрнига Алексис Санчес майдонга тушди
60. Майдонга Алексис Санчес тушишга тайёрланмоқда
59. Ўзгариш. "Вальядолид". Вальенте ўрнига Састре тушди
58. Жавоб ҳужуми. Мессининг пасидан сўнг Неймар қулай вазиятга чиқди. Унинг 4 метрлардан йўллаган зарбаси тепага кетди
57. Хавфли вазият! Бергдиш чап қанотдан олдинга ўтди ва жарима майдони ичига кириб бориб маказда турган шеригига тўпни оширди. Бироқ Манушу кутилмаганда йиқилиб тушди. Вазият йўққа чиқди
56. "Вальядолид"нинг кам сонли ҳужумларидан бири. Росси ўнг қанотдан тўпни жарима майдони ичига узатди. Вальдес тўпни эгаллаб олди
53. Дани Алвес ўнг қанотдан тўпни жарима майдонига узатди, тўп оширилган жойда меҳмонлар вакили йўқ эди
52. "Барса" ҳужум кетидан ҳужум қилмоқда, натижа йўқ
50. Огоҳлантириш. "Вальядолид". Росси
48. Месси рақиб ҳимоячисидан ўтиб кетди ва яқин масофадан дарвозага зарба берди, ўнг оёқда йўлланган зарбасидан сўнг дарвозабон тўпни қайтарди
48. Адрианонинг 20 метрлардан йўллаган зарбаси дарвозага аниқ боргани йўқ
47. Огоҳлантириш. "Вальядолид". Бергдиш
46. Иккинчи бўлим бошланди

45. Биринчи бўлим тугади. Ҳозирча 1:0. Танаффус
44. Дани Алвес тўпни майдон ташқарисига чиқариб юборди. Бурчак тўпини Росси амалга оширди. Ҳимоячилар ўз ўринларида
43. Меҳмонларнинг ҳужуми. Бу сафар Бускетс тўпни рақибга бериб қўйди...
40. "Барселона"нинг ҳужумлари кетма кет икки бор ноаниқ тўп узатиш туфайли тўхтаб қолди
37. Адриано чап қанотдан олдинга ўтди. Қаршисидаги рақибни алдаб ўтиб дарвозага зарба берди, тўп ааанчагина ноаниқ кетди
35. Педро дарвозани ишғол қилди, лекин у ўйиндан ташқари ҳолатда қолиб кетганди
34. Пенья қанотда Педрони йиқитди. Жарима тўпини тезда амалга оширишди. Месси тўпни эгаллаб олиб жарима майдони чизиғидан дарвозага йўллади. Мариньо ўз ўрнида. Яна бир зарба! Фабрегаснинг зарбасини ҳам дарвозабон қайтарди.
33. Мессининг амалга оширган жарима зарбасидан сўнг дарвозабон тўпни ушлаб қолди
32. Неймарнинг пасидан сўнг Месси олдинга интилди, уни Митрович жарима майдони ёнида йиқитди. Жарима тўпини меҳмонлар тепишади
30. Неймарнинг чап қанотдан дарвозага йўллаган зарбаси мухлислар ўтирган трибунага қараб кетди
28. Россининг зарбаси ноаниқ кетди.
27. Хави Герра қўполлик билан тўхтатилди. Чамаси 18 метрлардан мезбонлар жарима тўпини амалга оширишади.
26. Росси рақиб жарима майдони ичида ҳимоячиларнинг қаттиқ қаршилигига учради
22. Ҳозирча ўйин у қадар шиддатли кечмаяпти
20. "Вальядолид" ҳайиқмай ҳужумларга ўтмоқда
19. Месси тўпни чап қанотда турган Неймарга узатди, қанот ҳаками ўйиндан ташқари ҳолатни қайд этди
17. Бурчак тўпидан сўнг Росси Вальдес дарвозасини ишғол қилди - 1:0
16. ГОООООООООООООООООООООЛ. Фаусто Росси 1:0
14. "Вальядолид" бурчак тўпига эга бўлди. Бу сафар ҳам самарасиз
13. Энди Фабрегас ҳужумда қоида бузди
11. "Барселона" позицион ҳужумни ташкил қилди. Аммо Фабрегаснинг тўп узатиши ноаниқ бўлди ҳамда ҳужум тўхтади
10. Адрианонинг жарима майдони ташқарисидан йўллаган зарбаси ноаниқ чиқди
9. Месси! Майдон марказида тўпни эгаллаб олган аргентиналик ҳужумчи жарима майдони ёнигача тўп билан келиб зарба берди, Мариньо тўпни қайтариб юборди
9. Россининг бурчакдан ошириб берган тўпи анча ноаниқ кетди
8. Дани Алвес қоида бузди. "Вальядолид" жарима тўпини амалга оширди. Вальетне тўпга ета олмади
6. Майдон эгаларининг яна бир ҳужуми, бу сафар Манушу ўйиндан ташқари ҳолатда қолиб кетди
5. Хавфли вазият! Хави Герра жарима майдони ичидан дарвозага зарба берди. Виктор Вальдес тўпни қайтарди
4. "Барселона" илк ҳужумни ташкил қилишга уринди, ҳимоячилар бунга имкон беришмади
3. Жамоалар ҳозирча бир бирларини ўрганишмоқда.
1. ЎЙИН БОШЛАНДИ!

19:55. Жамоалар майдонга чиқиб келишди

- Вальядолид – Мариньо, Рукавина, Митрович, Вальенте, Пенья, Руэда, Ф. Росси, Бергдиш, Рубио, Герра, Манушу.

- Барселона – Вальдес, Дани Алвес, Пике, Маскерано, Адриано, Бускетс, Хави, Фабрегас, Педро, Месси, Неймар.

- Асосий таркиблар маълум бўлди

- Учрашув соат 20:00да бошланади.



Вальядолид – Барселона 1:0
8 март, 20.00, «Хосе Соррилья»
Вальядолид – Мариньо, Рукавина, Митрович, Вальенте, Пенья, Руэда, Ф. Росси, Бергдиш, Рубио, Герра, Манушу.
Барселона – Вальдес, Дани Алвес, Пике, Маскерано, Адриано, Бускетс, Хави, Фабрегас, Педро, Месси, Неймар.