Палмер Бруну Фернандешга эҳтимолий ўринбосар сифатида кўрилмоқда

Хабар беришларича, инглиз хавбекининг исми манкунианлар клуби ичидаги муҳокамаларда тобора кўпроқ тилга олинмоқда.

Манбага кўра, "қизил иблислар" 21 ёшли футболчини Бруну Фернандешга ўринбосар бўлиши мумкин бўлган асосий вариантлардан бири сифатида ўрганмоқда. Португалиялик футболчининг "Олд Траффорд"даги келажаги ҳозирча ноаниқ бўлиб қолмоқда ва клуб унинг эҳтимолий кетиши ҳолати учун турли сценарийларни тайёрламоқда.

Қизиғи шундаки, "Челси" ҳам жиддий таклиф тушган тақдирда Палмерни сотиш эҳтимолини истисно қилмаяпти. Лондонликлар ярим ҳимоячининг шартномаси 2033 йилнинг ёзигача амал қилишини ҳисобга олган ҳолда ҳам вариантларни кўриб чиқишга тайёр.

Палмер жорий мавсум барча мусобақаларда 12 ўйин ўтказиб, 4 та гол муаллифи бўлди. Transfermarkt портали маълумотларига кўра, унинг тахминий трансфер қиймати 120 млн евро деб баҳоланмоқда, бу эса эҳтимолий битимни трансфер бозоридаги энг шов-шувли келишувлардан бирига айлантиради.