3 кунлик машғулот, коронавирус, Лига Кубогини бекор қилиш таклифи - Ральф Рангник иштирокидаги матбуот анжумани

"Яна бир бор футболчиларни вакцина олишга кўндириш керак. Хатто икки-уч марталаб эмлансангиз ҳам вирусни юқтириб оласиз. Аммо шу билан бирга бизга жиддий бирор гап бўлмайди.

Кўплаб футболчиларимизда натижа ижобий чиқди. Уларда жуда, жуда кучсиз симптомлар кўринган ва улар буни сезишмаган ҳам.

3 кунгина машғулот қилдик, 25 нафар футболчимиз бор. Погба ҳали келгани йўқ, қолганлар биз билан. Сўнгги кунларда ҳолат ижобий томонга ўзгарганини айтишим мумкин.

Футболчилар уйда топширилган машғулотларни бажаришган, уларнинг жисмоний ҳолати ёмон эмас. Ҳар бир футболчига дастури бўйича ўз графигини тузиб бергандик.

5 ўзгариш? Фақатгина Англияда бу нарса йўқ. Ундан ташқари, фақатгина бу ерда захирага 8 нафар майдон футболчисини қайдномага киритиш мумкин. Бизда ҳам ҳеч бўлмаганда 4 футболчини алмаштириш имкони бўлиши керак.

Шунингдек, фақатгина Англияда иккита кубок ўйинлари бўлади. Францияда иккинчиси бекор қилишди. Ҳозир эса биз ҳам буни муҳокама қилиш вақтимиз етди деб ўйлайман.

Лига Кубоги ҳалигача қуйи лигалар вакиллари учун қулай мусобақа ҳисобланади. Улар ушбу лига орқали пул ишлаб олишмоқда. Якунда эса бизда жуда зич тақвим юзага келади", - деди Рангник.