Футзал бўйича Ўзбекистон МТЖ машғулотларни давом эттирмоқда

Баҳодир Аҳмедов бошчилигидаги терма жамоамиз 10-18 январь кунлари Тошкентда йиғин ўтказган эди. 19-23 январь кунлари Озарбайжонда машғулотлар олиб борилди ва Озарбайжон терма жамоаси билан 2та ўртоқлик ўйини ҳам ташкил этилди. Дастлабки баҳсда ўзбекистонлик футзалчилар 3:2 ҳисобида зафар қучишган бўлса, иккинчи ўйинда мезбонлар ғалаба қозонишди – 4:3.

Шундан сўнг юртимизга қайтиб келган футзалчиларга 2 кунлик қисқа дам берилди. 26 январдан бошлаб яна машғулотларга киришилди. Терма жамоамиз кунига 2 маҳалдан машғулотлар олиб бормоқда.

Йиғинда иштирок этаётган футзалчилар рўйхати:

Дарвозабонлар: Рустам Умаров (АГМК), Равшан Элибоев ("Пахтакор"), Аббос Элмуродов ("Локомотив"), Клим Тюгаев ("Локомотив").

Ўйинчилар: Анасхон Раҳматов (АГМК), Машраб Одилов (АГМК), Ихтиёр Ропиев (АГМК), Илҳом Ҳамроев (АГМК), Дилшод Раҳматов (АГМК), Ҳусниддин Нишонов (АГМК), Акбар Усмонов (АГМК), Хушнур Эркинов ("Сўғдиёна"), Сунатулла Жўраев ("Насаф"), Абдулла Солиҳов ("Локомотив"), Равшан Исматуллаев ("Динамо"), Жавлон Аноров ("Максам-Чирчиқ"), Константин Свиридов ("Максам-Чирчиқ"), Дилмурод Шавкатов ("Пахтакор"), Фарҳод Абдумавлонов ("Пахтакор"), Шаҳзод Саъдиев ("Динамо").

ЎФА матбуот хизмати Баҳодир Аҳмедов бошчилигидаги терма жамоамизнинг кечаги машғулотидан суратларни чоп этди.