Элдор Шомуродов РПЛнинг август ойидаги "Энг яхши ўйинчиси" деб топилди

Ўзбекистон терма жамоаси форварди ўтган ой Россия чемпионатида 5та ўйинда майдонга тушиб, 5та гол уришга муваффақ бўлди. 

Шомуродов тўпурарлар пойгасида  "Крилья Советов" ҳужумчиси Александр Собелевдан 1та гол фарқи билан олдинда бормоқда.

Июль ойида ҳам ҳамюртимиз энг яхши бўлишга даъвогарлар орасида бор эди, аммо якунда Собелев ушбу номга муносиб кўрилган.

Бу сафар эса РПЛ ва "Матч Премьер" экспертлари бир овоздан ўзбекистонлик ўйинчига овоз беришди.

Олдинроқ, бу соврин учун 5та футболчи номзод бўлиб тургани ҳақида маълумот берган эдик.