Рауф Инилеев: "Мақтаарал" клуби таклифини қабул қилдим"

Икки йилдан кўпроқ вақт мобайнида футболдан четда бўлган тажрибали мутахассис Қозоғистон 1-лигаси вакили "Мақтаарал" клуби билан шартнома имзолади. Тез орада миллий терма жамоамизнинг собиқ бош мураббийи янги клубини қабул қилиб олади. Биз вазиятга ойдинлик киритиш мақсадида мураббийнинг ўзи билан боғландик.

- Рауф Талгатович, узунқулоқ гапларга кўра, Қозоғистон клубларининг бирида иш бошлашга яқин турган экансиз. Шу ростми?
- Ҳа, бу маълумотни тасдиқлайман.

- Сир бўлмаса, айнан қайси жамоада?
- Қозоғистон 1-лигаси вакили "Мақтаарал" клубида иш бошлайман. Бу жамоа 2012 йили 2-лига ғолиби бўлган. Ўтган йили эса профессионал клуб мақомини олган.

- Расман шартнома имзоладингизми?
- Ҳа, тез орада жамоани қабул қилиб оламан.

"Мақтаарал" Жанубий Қозоғистон вилояти жамоаси бўлиб, ўз уй учрашувларини 4 229 томошабинга мўлжалланган "Марказий" стадионида ўтказади. Эътиборлиси, ўтган йили жамоа таркибида ўзбекистонлик футболчилар Руслан Матниязов (дарвозабон),  Эрнес Седько (ҳужумчи) ҳамда Алишер Орифжонов (ярим ҳимоячи) тўп тепишган. Фурсатдан фойдаланиб, биз Рауф Инилеевга янги иш жойида муваффақият тилаймиз. Суҳбатнинг тўлиқ вариатини эса кейинроқ эътиборингизга ҳавола қиламиз.

Камолиддин Алимов суҳбатлашди.