23-тур превьюси: "Пахтакор" - "Металлург"
25 сен 2015 00:14
Новости

23-тур превьюси: "Пахтакор" - "Металлург"

25 сентябрь куни "Пахтакор" олий лиганинг 23-турида "Металлург"ни қабул қилади.

Мавсум охирлаб боргани сари ҳар бир ўйиннинг аҳамияти ортиб бормоқда. Жамоамиз чемпионлик учун курашяпти ва ғалабалар биз учун жуда муҳим. "Металлург" эса мавсумни яхши бошламаган бўлса-да, кейинчалик барқарор ўйини орқали 7-поғонага кўтарилиб олди.

Жамоалар олий лигада 35 бор тўқнаш келишган. Шулардан 28тасида "Пахтакор" ғолиб бўлган. 3 ўйинда "Металлург" ғалабани тантана қилган. 4 марта дуранг натижа қайд этилган. Тўплар нисбати “Пахтакор” фойдасига 95:26 ни ташкил қилмоқда.

Жамоамиз ўз уйида бу рақибни 15 марта мағлуб этган. Тошкентда бўлиб ўтган иккита ўйинда ғолиб аниқланмаган. “Металлург” сафарда “Пахтакор”ни мағлуб эта олмаган. Бекободда биринчи даврада кечган учрашувда Баҳодир Пардаев икки тўп киритиб, "шерлар"нинг ғалабасини таъминлаганди - 2:1.

Учрашувни Олим Толибжонов бошчилигидаги ҳакамлар бошқариб боради. Ёшлар таркиблари баҳси 24 сентябрь, пайшанба куни Қибрайда соат 16:00да бошланади. Асосий жамоалар ўйини эса "Пахтакор" стадионида 25 сентябрь куни соат 17:30да старт олади.

"ПАХТАКОР" - "МЕТАЛЛУРГ"

Ҳакамлар: Олим Толибжонов (Тошкент), Руслан Серазетдинов (Тошкент), Санжар Шоюсупов (Тошкент), Наим Қосимов (Қарши).

Назоратчи: Шамил Жумаев (Шаҳрисабз).

Ссылка :

Источник : pakhtakor.uz

Получайте новости прямо в Telegram!

Рейтинг: +3