Йилнинг энг яхши ярим ҳимоячиси - Жавлон Иброҳимов

Дастлаб йилнинг энг яхши дарвозабони ва ҳимоячисини эълон қилгандик. Энди позиция бўйича энг яхши ярим ҳимоячини аниқлаймиз.

Демак, Суперлига-2018да йилнинг энг яхши ярим ҳимоячиси бўлишга номзодлар қуйидагича кўриниш олди:

Сардор Мирзаев ("Локомотив")
Жавлон Иброҳимов ("Бунёдкор")
Сардор Собирхўжаев ("Бунёдкор")
Аъзам Алиев ("Навбаҳор")
Жасур Ҳасанов (АГМК)

Сайтимиз ходимлари ўртасидаги сўровномага кўра, жорий мавсумда Ўзбекистон чемпионатида фаолият кўрсатган футболчиларнинг позиция бўйича энг яхшиларини аниқладик. Унга кўра, Суперлигада йилнинг энг яхши ярим ҳимоячиси дея "Бунёдкор" футболчиси Жавлон Иброҳимов топилди.

Жавлон Иброҳимов "Бунёдкор" сафида ўтган мавсумда юқори даражада барқарор ўйин кўрсатди. Гарчи таянч ярим ҳимоячиси бўлишига қарамасдан, Иброҳимов жамоасининг бир қатор муҳим голларига муаллифлик қилди. Маълум муддат чемпионат тўпурарлари пойгасида пешқадамлик қилишга ҳам муваффақ бўлди.

Шунингдек, сўровномада "Локо" сафида ажойиб мавсумни ўтказган Сардор Мирзаев ғолибликни қўлга киритган Жавлон Иброҳимовга етарлича рақобат туғдирди. Фақатгина биргина овоз фарқи билан шоҳсупа Жавлон Иброҳимовга насиб этди. "Насаф" ва АГМК таркибида ажойиб ўйинлар кўрсатган Жасур Ҳасанов ҳам лауреатлар ичида овоз тўплашга эришди. "Бунёдкор"нинг яна бир марказий ярим ҳимоячиси Сардор Собирхўжаев ҳам номзодлар қаторидан ўрин олди ва битта овоз тўплади. Номзодлар қаторига кирган "Навбаҳор" таянч ярим ҳимоячиси Аъзам Алиев овоз тўпламади.

Қуйида сайтимиз ходимлари кимга овоз беришганини ҳавола этамиз:

Нарзулла Сайдуллаев - Жасур Ҳасанов
Толибжон Қосимов - Жавлон Иброҳимов
Шаҳбоз Беғамов - Жавлон Иброҳимов
Жаҳонгир Файзуллаев - Сардор Мирзаев
Зоир Турсунбоев - Сардор Мирзаев
Ниғмон Назимов - Жавлон Иброҳимов  
Алишер Холматов - Жасур Ҳасанов
Нозима Зарипова - Жасур Ҳасанов  
Хайрулла Холиқов - Сардор Мирзаев  
Жасур Асланов - Жавлон Иброҳимов
Нодирхўжа Юлдашев - Сардор Мирзаев  
Гайрат Хасбиулин - Сардор Собирхўжаев
Асрор Абдуназаров - Жавлон Иброҳимов

Шу тариқа "Бунёдкор" аъзоси Жавлон Иброҳимов "CA" талқини бўйича Суперлига-2018да йилнинг энг яхши ярим ҳимоячиси деб топилди.