2009-2012 йилларда таваллуд топган болакайлар учун, "Junior Football" клуби иш бошлади

Илёс Зейтуллаевнинг Тошкентга сафаридан сўнг, у билан ҳамкорликда, пойтахтда "Junior Football" болалар футбол клуби иш бошлади. Мазкур лойиҳа 5-8 ёшли футболчиларни ўзига жамлайди ва ҳафтасига уч маротаба машғулот олиб борилади.

Клуб вакиллари 5-12 сентябрь кунлари Италиянинг Рим, Абруццо ҳамда Карпи шаҳрида бўладилар. Режага кўра, Италиянинг 200дан ортиқ футбол академиялари билан ҳамкорликда истеъдодларни тарбиялаб А Серияга учирма қиладиган "Карпи" футбол академияси вакиллари билан учрашув бўлиб ўтади. Унда, ўзбекистонлик ёш истеъдод эгаларини Европага чиқариш масаласи муҳокама қилиниши кўзда тутилган.

Мазкур лойиҳа Одил Аҳмедов ва Илёс Зейтуллаев билан ҳамкорликда амалга оширилади. 

"Италия ўзининг янги методикасини ишлаб чиқди ва буни амалда қўллай бошлади. Биз энг кичик ёшдаги болалар билан иш бошламоқчимиз. Ундан ташқари, Италияга бориб келгач, замонавий спорт қуроллари билан бошқа клуб вакиллари учун алоҳида якка тартибдаги машғулотларни ҳам ўтказишни режа қилганмиз", - дейди клуб раҳбари Жаҳонгир Усмонов. 

Маълумот учун телефон: (+998 97) 7724345. Соат 09:00дан 20:00гача.

2011-12 йиллар учун машғулотлар ҳафтанинг душанба/чоршанба/жума кунлари ўтказилинади. Шанба куни шаҳмат тўгараги ва ўртоқлик учрашуви.

2009-2010 йиллар учун машғулотлар сентябрь ойидан сешанба/пайшанба/шанба кунлари ўтказилинади. Якшанба ўртоқлик учрашуви.