Футзал клублари вакиллари иштирокида мажлис бўлади, энди ўйинларни СПОРТ ТВ кўрсатади
08 авг 2018 13:17
Новости

Футзал клублари вакиллари иштирокида мажлис бўлади, энди ўйинларни СПОРТ ТВ кўрсатади

15 август куни Суперлиганинг футзал клублари бош мураббийлари ҳамда раҳбарлари иштирокида йиғилиш бўлиб ўтади.

Режага кўра, футзал бўйича чемпионатнинг 2-давраси 19 август куни старт олиши керак. Унга қадар халқаро мусобақада иштирок иштирок этган АГМК клуби вакиллари ҳам ортга қайтиб улгуради. Шундан келиб чиқиб, ПФЛ иштирокчи жамоалар раҳбариятини 15 август куни бир жойга йиғишни лозим деб топди. Учрашув 15:00 га белгиланган.

Кун тартибида чемпионатнинг 1-даврасида кузатилган камчиликлар, 2-давра ўйинлари учун тайёргарлик масаласи бўлади. Шунингдек, футзал клублари иштирокидаги ўйинлар трансляциясини сезиларли равишда кўпайтириш режаси муҳокама қилинади. ПФЛ “Спорт” телеканали билан маслаҳатлашган ҳолда, футзал чемпионатини куз—баҳор мавсумига ўтказишни режалаштирган. Бу масала энди клублар вакиллари томонидан муҳокама қилинади.