Сардор Раҳмонов: "Нефтчи"да қолиб жамоага ёрдам беришни истайман"
19 янв 2017 17:15
Новости

Сардор Раҳмонов: "Нефтчи"да қолиб жамоага ёрдам беришни истайман"

"Нефтчи" клуби ҳимоячиси Сардор Раҳмонов "Металлург" билан ўйиндан сўнг ўз фикрларини билдирди.

"Эрталаб жисмоний ҳолатимизни яхшилаш учун машғулотлар олиб бораяпмиз. "Металлург"га йирик ҳисобда ютқаздик. Қизиқарли ўйин бўлди. Бу йил жамоамиз янгидан тузилмоқда. Кўплаб ёшлар майдонга тушишди. Ҳисобни инобатга олмаганда яхши ўйин бўлди.

Иккита жамоадан таклиф олдим. Улардан бири Тошкент клуби, фақат шуни айта оламан холос.

Олдин "Локомотив"да ўйнаганман, агар таклиф қилишса балки қайтарман. Бу жамоанинг таклифини ҳеч ким рад қилмаса керак менимча.

Ўзимга қолса "Нефтчи"да қолиб жамоага ёрдам беришни истайман. Мураббийлар ҳам шуни исташмоқда. Энди барчаси раҳбариятга боғлиқ. Клуб олдига аниқ вазифа менимча мавсум бошланиши арафасида қўйилса керак", - дейди Сардор Раҳмонов.

Жаҳонгир Сотволдиев