"Зомин" устози Асқар Умаров: "Мутасаддилар ёрдам беришмаяпти. Жорий йил бошидан бери ҳали маош олмадик"

Унда "Зомин" бош мураббийи Асқар Умаров фикрлари билан ўртоқлашди. 

"Шўртан" жамоасини ғалаба билан табриклайман. Чиройли ўйин бўлди. Бизда хатолар кўпайиб кетган. Дарвозабонимизнинг хатосидан гол ўтказиб юбордик. Кейинги учрашувларда  ваҳаракат қиламиз",- дейди Асқар Умаров.

- Дарвозабонни нима учун алмаштирмадингиз?

- Гол ўтказиш эмас, гол уриш учун ҳужумчини туширдик. 

- 40-дақиқадаёқ илк ўзгаришни амалга оширдингиз. Бу ўша футболчининг ўйинидан қониқмаганингизданми ёки бошқа режалар сабабми?

- У кўп хатоларга йўл қўйди. Иккинчи голимиз айнан шу туфайли дарвозамиздан ўрин олди. Кетма-кет уч маротаба тўп йўқотишдан кейин ўзгартиришга мажбур бўлдим. 

- Захирадан тушган футболчилар ўзини оқладими?

- Йўқ. Ўзини оқламади. Жамоамизнинг руҳий томондан тайёрлай олмаяпмиз. Кутяпмиз, ҳомийлардан ўзгаришлар бўладими, йўқми. Мутасадиллар ёрдам беришмаяпти. 

- Клубда молиявий ҳолати қандай?

- Тўғриси йил бошидан бери ойлик олганимиз йўқ. Сабр қилиб кутмоқдамиз. Жамоада ёмон футболчилар йиғилмаган. Сафар харажатлари ўзимиздан бўляпти. Бу ёрдам билан узоққа бориб бўлмайди. Ҳомийлар томонидан фўллаб-қувватланса бемалол Про лигада қолишимиз мумкин.