“Зомин” янги мавсумдан олдинги сўнгги тайёргарликни бошлади

20 мартдан бошлаб жамоа Биринчи лига ва Ўзбекистон Кубоги саралаш босқичи учун сўнгги машғулотларга киришди.

Жамоа Тошкент шаҳридаги йиғинда бир нечта ўртоқлик учрашувларни ўтказди.
"Зомин" - "Оқ-тепа" - 2:0
"Зомин" - "Бунёдкор-2" 3:1
"Зомин" - "Рубин" 2:1
"Зомин" - "Хоразм" 3:3

Машғулотларнинг сўнгги босқичини жамоа “Зомин Марказий ўйингоҳи”да ўтказади. Ҳозирги вақтга келиб жамоанинг асосий таркиби аниқланиб бўлди. Жамоага қўшилган янги футболчилар тез кунларда мухлисларга таништирилади.

Эслатиб ўтамиз, Ўзбекистон кубоги саралаш босқичи доирасидаги “Зомин” – “Лочин” (Чирчиқ) учрашуви 28 март куни “Зомин марказий ўйингоҳи”да бўлиб ўтади.

"Зомин" ПФК матбуот хизмати