Зоир Тўрақулов: “Бекободдан ҳеч бўлмаса дуранг билан қайтишимиз мумкин эди”
03 апр 2016 06:02
Новости
![](https://championat.asia/upload/storage/203508_original.jpg)
![](/upload/storage/203508_220.jpg)
Зоир Тўрақулов: “Бекободдан ҳеч бўлмаса дуранг билан қайтишимиз мумкин эди”
Зоир Тўрақулов бошчилигидаги “Оқ бўрилар” жамоасининг “Металлург”га қарши муваффақиятли ўйини бироз орқага қолдирилди...
- Мана шу сафар Бекободдан ижобий натижа, ҳеч бўлмаса дуранг билан қайтишимиз учун имкониятимиз бор эди. Гарчи, учрашувнинг дастлабки дақиқаларида кутилмаган икки голни ўтказиб юборган бўлсак-да, биринчи бўлимнинг ўзидаёқ, ҳисобдаги фарқни қисқартиришга эришдик. Ушбу муваффақиятни иккинчи бўлимда ривожлантиришимиз мумкин эди. Бунинг учун ўйин тизгинини ҳам қайсидир маънода ўз қўлимизга олдик ҳам. Афсуски, яратилган қулай имкониятларни голга айлантиришда бизга бироз омад етишмади. Бу билан эса “Металлург”га қарши ўйинлардаги нохуш анъанани бу сафар ҳам буза олмадик. Ҳаёт эса давом этади.
- Энди табиий равишда навбатдаги учрашувларга тайёргарлик кўрамиз. Мағлубиятга учраган бўлишимизга қарамай, йигитларимизнинг ҳаракатларидан нолимайман. Уларга раҳмат айтаман. Албатта, кейинги баҳсда ижобий натижани қўлга киритамиз. Футболчиларимизнинг бунинг учун салоҳияти етарли, - дейди Зоир Тўрақулов.
Похожие новости
![AMP Logo](https://championat.asia/image/logo-amp.png)
Комментарии