Зинедин Зидан "Ювентус"ни бошқаришни истамоқда
21 янв 2023 15:20
Новости

Зинедин Зидан "Ювентус"ни бошқаришни истамоқда

Бунинг учун у 5 та терма жамоада ишлаш таклифидан бош тортди.

“Реал Мадрид” собиқ бош мураббийи Зинедин Зидан ўзи 1996 йилдан 2001 йилгача тўп тепган Туриннинг “Ювентус” клубида устозлик қилишни истайди.

Манбага кўра, Зидан фақат “Ювентус”да ишлаши мумкин. Турин клуби раҳбарияти ҳозирча Массимилиано Аллегрига ишонч билдириб, бош мураббийни алмаштириш имкониятларини кўриб чиқмаяпти. Зидан “Бьянконери” бошқариш имкониятини кутган ҳолда бешта терма жамоадан тушган таклифни рад этгани маълум бўлди. Француз футболи афсонаси Португалия, Бразилия, АҚШ, Қатар ва БАА терма жамоаларига мураббийлик қилиш таклифларидан бош тортган.

Бош мураббий сифатида Зидан фақат “Реал Мадрид”да ишлаган. У “қироллик клуби” билан 11 та совринга эга чиқди. Ушбу титуллар орасида уч марта Чемпионлар Лигаси ва 2 марта Испания Ла Лигаси чемпионлиги мавжуд.

Ссылка :

Источник : L’Equipe

Получайте новости прямо в Telegram!

Рейтинг: +6