Зиданга нисбатан ножоиз гапларни айтган Франция футбол федерацияси раҳбари лавозимидан четлатилди

Ле Грейни четлатиш тўғрисидаги қарор чоршанба куни футбол федерацияси Ижроия қўмитаси томонидан қабул қилинди.

Эндиликда Филипп Диалло Франция футбол федерациясини вақтинчалик бошқаради.

Аввалроқ Ноэль ле Гре Зинедин Зидан ҳақидаги сўзларидан кейин танқидларга учраганди. Кўпчилик функционерни ҳурматсизликда айблади.

Эслатиб ўтамиз, яқинда Франция футбол федерацияси мамлакат миллий терма жамоасини бошқараётган Дидье Дешам билан шартнома узайтирилганини эълон қилганди.