Зидан ўзини дунёнинг энг кучли мураббийи деб ҳисобламайди

Зидан, Массимилиано Аллегри ("Ювентус") ва Антонио Конте ("Челси") ФИФА томонидан йилнинг энг яхши мураббийи учлигига киришди. Тақдирлаш маросими 23 октябрь куни Лондонда бўлиб ўтади.

"Мен дунёдаги энг яхши мураббийман дея олмайман, бундай эмас. Каминанинг омади келган, чунки мен жаҳоннинг энг яхши клубида энг зўр футболчилар билан ишлайман. Тўғрисини айтаман, бажараётган ишим ўзимга ёқади, уни чин дилдан амалга оширяпман. Агар соврин беришса, уни мамнуният билан қабул қиламан, аммо ўзимни дунёдаги энг яхши мураббий деб ҳисобламайман" - дейди Зидан.

Зидан 2016 йилнинг январида "Реал" бош мураббийига айланган. Бу вақт ичида "Қироллик клуби" 45 ёшли мутахассис қўл остида 7та соврин (Чемпионлар лигаси х2, УЕФА Суперкубоги х2, Испания Суперкубоги, Испания чемпионати, клублар ўртасидаги жаҳон чемпионати) қўлга киритишди.