Женнаро Гаттузо "Анжи"да!?

Биринчи дивизионда иккинчи ўринни банд этиб турган маҳачқалаликларнинг ҳисобида 68 очко мавжуд. Уларнинг энг яқин тақибчилари "Тосно"да эса 65. Икки жамоа ўртасидаги ўйинлар бир хил, 1:0 ҳисобида якунига етган. Сўнгги турда "Анжи" сафарда "Сахалин"га қарши майдонга чиқади. "Тосно" эса "Газовик"ни қабул қилади. Агар "Анжи" 20 тўп фарқи билан мағлубиятга учраса ва "Тосно" ғалаба қозонсагина тўғридан-тўғри премьер лигага чиқа олмайди.

Премьер лига йўлланмасини фақат қоғоздагина ҳал қилмаган жамоа 56 ёшли мутахассис Сергей Ташуевни истеъфога чиқарди. Клубни кучлилар сафига қайтара олган мураббийга нисбатан нима учун бундай муносабат кўрсатилганлиги ҳозирча маълум эмас. Ўз навбатида клуб ҳам ҳали буни расман эълон қилмаган.

"Championat.com"ни бошқа ОАВларга таяниб маълум қилишича, Сулейман Каримов ўз жамоасига машҳур Женнаро Гаттузони олиб келишни мақсад қиляпти. 37 ёшли собиқ футболчи шу кунгача Швейцариянинг "Сьон" ва Италиянинг "Палермо" клубларида фаолият олиб борган эди.