“Зенит” мухлислари сабаб 27 000 евро жарима тўлайди
20 ноя 2017 22:45
Новости

“Зенит” мухлислари сабаб 27 000 евро жарима тўлайди

УЕФА тартиб-интизом қўмитаси “Зенит” клубини 27 000 евро миқдоридаги жаримага тортишга қарор қилди.

Питер клуби мухлислари Европа Лигаси гуруҳ босқичининг 4-турида “Русенборг” билан бўлиб ўтган (1:1) ўйинда тартибсизликларни келтириб чиқаришганди. Бу учрашув 2 ноябрь куни Норвегияда бўлиб ўтган эди.

Россиялик ишқибозлар пиротехника воситаларидан фойдаланганлари етмаганидек турли буюмларни стадионга улоқтиришганди. Мухлислар “Русенборг” стадионига ҳам сезиларли даражада зарар етказишганди.

Энди “Зенит” клуби раҳбарияти 30 кун ичида келтирилган зарарни тўлалигича қоплаб бериши шарт. Ўз ўрнида “Русенборг” клуби ҳам ўз мухлисларининг пиротехника воситаларини ишлатгани учун 15 000 евро жарима тўлайди.

Ссылка :

Получайте новости прямо в Telegram!

Рейтинг: +6