Зеедорф: "Роналдунинг кетиши "Реал"ни кучсизлантирмади"
05 мар 2019 11:11
Новости

Зеедорф: "Роналдунинг кетиши "Реал"ни кучсизлантирмади"

Камерун терма жамоаси бош мураббийи, "Реал" сафида тўп тепган Кларенс Зеедорфнинг фикрича, ҳужумчи Криштиану Роналдунинг "қаймоқранглилар"дан кетиши жамоани кучсизлантиргани йўқ.

"Роналдунинг кетиши сабабли "Реал" кучсизланганига ишонмайман. Криштиануни ҳурмат қиламан, аммо бундай эмас. Ҳа, у "Реал" ҳисобига бир нечта гол қўшиши мумкин. Бироқ "Қироллик клуби" жамоа бўлиб ҳаракуат қилганда ғалаба қозонган. Роналду кўп гол урарди, чунки унга етарлича вазиятлар яратиб беришган. У ҳужумни ишончли якунлай олади, бироқ ўзи вазият ярата олмайди. Унинг муваффақиятлари ортида жамоанинг тинимсиз меҳнати турибди.

Бензема - ажойиб футболчи, у ўйин тақдирини ҳал қила олади. Киевдаги финал вақтида у ўз вазифасини бажарди. Бундан ташқари, Карим жамоа учун кўп ишлайди, буни эса ҳеч ким пайқамайди" - дейди Зеедорф.

Ссылка :

Источник : El Mundo

Получайте новости прямо в Telegram!

Рейтинг: -9