Зайниддин Тожиев 2007 ва 2008 йилларда таваллуд топган Ўзбекистон ўсмирлар терма жамоаси бош мураббийи
24 янв 2021 16:07
Новости

Зайниддин Тожиев 2007 ва 2008 йилларда таваллуд топган Ўзбекистон ўсмирлар терма жамоаси бош мураббийи

Мураббийлик фаолиятини ёшлар футболидан бошлаган Зайниддин Тожиевга янги чорлов тушди.

Бу ҳақда терма жамоалар бўлим бошлиғи Азизбек Ҳайдаров "СА"га берган интервьюсида айтиб ўтди. Унга кўра Зайниддин Тожиев 2007 ва 2008 йилларда таваллуд топган Ўзбекистон ўсмирлар терма жамоасига бош мураббий этиб тайинланди. Унинг олдига терма жамоани жорий йил Хитойда бўлиб ўтадиган ўсмирлар ўртасидаги Осиё ўйинларига тайёрлаш вазифаси қўйилган. Мазкур мусобақада 2007 ва 2008 йилларда таваллуд топган футболчилар иштирок этадилар.

Ўзбекистон ўсмирлар терма жамоаси шу кунгача бу мусобақада иштирок этмаган. 3-маротаба бўлиб ўтадиган турнирнинг амалдаги ғолиби Жанубий Корея бўлиб, улар финалда эронлик тенгқурларини 1:0 ҳисобда мағлубиятга учратган эдилар. Мазкур мусобақадан кейин, 2008 йиллар терма жамоаси 2024 йил бўлиб ўтадиган ўсмирлар ўртасидаги Осиё чемпионатининг саралаш ўйинларига тайёргарликни бошлаб юборади.

Ссылка :

Источник : championat.asia

Получайте новости прямо в Telegram!

Рейтинг: +6