"Зарангар" Нигерия ёшлари билан ўртоқлик учрашуви ташкил этмоқчи
26 мар 2019 08:17
Новости
"Зарангар" Нигерия ёшлари билан ўртоқлик учрашуви ташкил этмоқчи
Клуб уй учрашувларини Ғиждувон туманидаги "Зарангар” ўйингоҳида ўтказади. Клуб 2018 йилги футбол бўйича Бухоро вилояти биринчилигида 1-ўринни эгаллади ва вилоятнинг Суперкубок баҳсида ғалаба қозонди. Ҳозирги кунда "Зарангар" жамоаси ПРО-Лига баҳсларига тайёргарлик кўрмоқда. Жамоа аъзолари мураббийлар Комил Самиев ва Абдурасул Рашидов, ҳамда жамоа раҳбари Фурқат Тоировлар бошчилигида кунига 2 маҳалдан машғулотлар олиб бормоқдалар.
Жамоа олдига жорий мавсумда ПРО-Лига "Б" гуруҳида муносиб иштирок этиш ва мавсум якунида ПРО-Лига "А" ўйинларига йулланма олиш каби вазифалар қўйилган.
Томонларнинг ўзаро келишувига кўра, "Зарангар" айни дамда юртимизда меҳмон бўлиб турган Нигерия (U-23) жамоаси билан ўртоқлик учрашувини ўтказади. Мазкур учрашув 2019-йил 30 март куни соат 16:00 да Ғиждувон туманидаги "Зарангари" ўйингоҳида бошланиши режалаштирилмоқда.
Акбар Мирзаев тайёрлади.


Похожие новости
championat.asia
Суперлига. "Насаф" "Навбаҳор" майдонида очко йўқотди
Месси МЛСдаги танаффус пайтида Саудия Арабистони клубига ўтмоқчи эди, аммо саудияликлар бунга рози бўлишмаган
Суперлига. "Шўртан" голларга бой ўйинда ОКМКни мағлуб этди
ЎзФҲМ Найим Қосимовга финалдаги ҳаракатлари учун неча баҳо қўйгани маълум
Комментарии