Зафар Полвонов: “Олмалиқ”ни яхши хотиралар билан тарк этдим”
16 фев 2015 08:02
Новости
Зафар Полвонов: “Олмалиқ”ни яхши хотиралар билан тарк этдим”
Ўтган мавсум “Олмалиқ” шарафини ҳимоя қилган таниқли ҳужумчи Зафар Полвонов жорий йил клубини ўзгартиришга қарор қилди.
Эндиликда у Ғузорнинг “Шўртан” жамоаси шарафини ҳимоя қилади. Яқинда Полвонов билан кўришиб, суҳбатлашдик. Ўзининг айтишича “Олмалиқ”дан яхши хотиралар қолган.
- “Олмалиқ”ни яхши хотиралар билан тарк этдим. У ерда 3 йил ўйнадим. Мен борган пайтда жамоанинг ҳужум чизиғида рақобат кучли эди. Аслида ҳамма вақт ҳам шундай эди дейиш мумкин. Гарчи ҳар йили таркибда сезиларли ўзгариш кузатилсада, яхши жамоа йиғилади. Игорь Шквирин қўли остида ўйнаб, озми-кўпми мухлисларга янада танилдим. Мураббий қаттиққўл ва жуда талабчан. Ўзи илгари ҳужумчи бўлгани учун ҳам жамоадаги олдинги чизиқ вакилларига бу борада кўп кўрсатма берарди.
- Молиявий томондан “Олмалиқ”да муаммо бўлмаган. Ҳаттоки жарохат олиб сафдан чиққан ўйинчиларга ҳам кўнғироқ қилиб, ойлик маошини олиб кетиши ҳақида айтишарди. Шу томонига қойил қолмасдан илож йўқ. Ҳозирги кунда айрим жамоалар вада қилинган пулларни бермасдан, футболчиларда ҳадик уйғотмоқда. Шунинг учун ҳам ҳар йили жамоасини ўзгартираётган ўйинчилар сони оз эмас.
- Эътибор берсангиз охирги йилларда “Олмалиқ”да сермаҳсуллик кўрсата олмадим. Кутилмаган жароҳатлар ҳам ўз таъсирини ўтказмасдан қолмади. Балки қаердадир омадим келмагандир. Шунинг учун муҳитни ўзгартиришга қарор қилдим. Клубни тарк этаётганда ҳамма билан илиқ муносбатда хайрлашдик. Бемалол айта оламанки, бу жамоада ўйнаб ҳеч қачон афсусланмайман.
- Биласиз “Шўртан”мен учун бегона эмас. Ўзим қашқадарёликман. Қолаверса илгари бу жамоада ўйнаганман. Раҳбарият ва бош мураббий билан гаплашганимда, менга ишонч билдираётганини айтди. Бошқа масалалар ҳам ижобий ҳал бўлгач, шартнома тузишга қарор қилдим.
- Тўғриси, олдимда бошқа вариантлар ҳам турганди. Лекин энди булар ҳақида гапиришдан фойда йўқ. Эътиборимни фақат “Шўртан”га қаратганман.
- Бир йиллик танаффусдан сўнг яна элитага қайтган “Шўртан” таркиби деярли янгитдан шакллантирилмоқда. Олий лига ҳавосидан баҳраманд бўлган ўйинчилар жалб этилган. Насиб қилса бу йил ишқибозларни хурсанд қиламиз деган умиддаман.
Исломбек Рустамбеков суҳбатлашди
- “Олмалиқ”ни яхши хотиралар билан тарк этдим. У ерда 3 йил ўйнадим. Мен борган пайтда жамоанинг ҳужум чизиғида рақобат кучли эди. Аслида ҳамма вақт ҳам шундай эди дейиш мумкин. Гарчи ҳар йили таркибда сезиларли ўзгариш кузатилсада, яхши жамоа йиғилади. Игорь Шквирин қўли остида ўйнаб, озми-кўпми мухлисларга янада танилдим. Мураббий қаттиққўл ва жуда талабчан. Ўзи илгари ҳужумчи бўлгани учун ҳам жамоадаги олдинги чизиқ вакилларига бу борада кўп кўрсатма берарди.
- Молиявий томондан “Олмалиқ”да муаммо бўлмаган. Ҳаттоки жарохат олиб сафдан чиққан ўйинчиларга ҳам кўнғироқ қилиб, ойлик маошини олиб кетиши ҳақида айтишарди. Шу томонига қойил қолмасдан илож йўқ. Ҳозирги кунда айрим жамоалар вада қилинган пулларни бермасдан, футболчиларда ҳадик уйғотмоқда. Шунинг учун ҳам ҳар йили жамоасини ўзгартираётган ўйинчилар сони оз эмас.
- Эътибор берсангиз охирги йилларда “Олмалиқ”да сермаҳсуллик кўрсата олмадим. Кутилмаган жароҳатлар ҳам ўз таъсирини ўтказмасдан қолмади. Балки қаердадир омадим келмагандир. Шунинг учун муҳитни ўзгартиришга қарор қилдим. Клубни тарк этаётганда ҳамма билан илиқ муносбатда хайрлашдик. Бемалол айта оламанки, бу жамоада ўйнаб ҳеч қачон афсусланмайман.
- Биласиз “Шўртан”мен учун бегона эмас. Ўзим қашқадарёликман. Қолаверса илгари бу жамоада ўйнаганман. Раҳбарият ва бош мураббий билан гаплашганимда, менга ишонч билдираётганини айтди. Бошқа масалалар ҳам ижобий ҳал бўлгач, шартнома тузишга қарор қилдим.
- Тўғриси, олдимда бошқа вариантлар ҳам турганди. Лекин энди булар ҳақида гапиришдан фойда йўқ. Эътиборимни фақат “Шўртан”га қаратганман.
- Бир йиллик танаффусдан сўнг яна элитага қайтган “Шўртан” таркиби деярли янгитдан шакллантирилмоқда. Олий лига ҳавосидан баҳраманд бўлган ўйинчилар жалб этилган. Насиб қилса бу йил ишқибозларни хурсанд қиламиз деган умиддаман.
Исломбек Рустамбеков суҳбатлашди
championat.asia
АПЛ. "Манчестер Сити"дан камбэк, Ҳусанов дебют ўйинида 53 дақиқа ўйнади
Абдуқодир Ҳусанов бугун "Манчестер Сити"да дебют қилиши мумкин
Хосеп Гвардиола: "Ҳусанов нафақат французча, балки инглизчада ҳам яхши гапира олмайди"
Эшитдик-да! Ўзбекистон футзал терма жамоасининг янги бош мураббийи маълум
Комментарии